Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Nga sot zgjatet fasha orare deri në 17.30, brenda javës pritet të zgjerohet edhe për automjetet

Politiko 13 Prill 2020, 07:57

Nga sot zgjatet fasha orare deri në 17.30, brenda javës pritet të

Qeveria shqiptare nga sot zgjat fashën orare për lëvizjen e këmbësorëve deri në 17.30, nga 13.00 që ishte deri të shtunën.

Lajmin e dha kryeministri Edi Rama përmes një postimi në Facebook pak ditë më parë, ku theksonte se nga e hëna do zgjerohet fasha orare, për shërbimet ushqimore, farmaceutike dhe bankare.

Më tej, Rama informoi se brenda javës së ardhshme do zgjerohet mundësia e lëvizjes me automjet privat të atyre që punojnë në hapësirën e lejuar të aktivitetit ekonomik.

Kryeministri shtoi se në kushtet kur kurba e infeksionit është më e ulët se pritshmëria, pritet që në fund të muajit maj mund të dalim nga kjo fazë e parë e pandemisë, duke iu rikthyer normalitetit ku shumëkush mund të shkojë në punë me rregulla të mirëpërcaktuara.

Njoftimi i plotë

Në kushtet kur kurba e infeksionit është më e ulët se pritshmëria jonë më optimiste, si rezultat i masave të forta që kemi marrë në kohën e duhur dhe rezistencës fantastike të popullit në unitet me shtetin;

Në kushtet kur mund të shohim me optimizëm të arsyeshëm fundin e muajit maj si një dalje nga kjo fazë e parë përballjeje të gjithanshme me armikun e padukshëm, ku një pjesë e madhe e aktivitetin ekonomik mund të rikthehet në një normalitet të ri dhe shumë kush mund të rikthehet në punë, me rregulla të mirëpërcaktuar natyrisht;

Në kushtet kur duhet të përballojmë dyzet ditë shumë të rëndësishme, për fitoren e kësaj faze vendimtare të rezistencës sonë të përbashkët, duke u hapur me kujdesin më të madh e me disa hapa shumë të matur, duke vendosur njëkohësisht masa të rrepta penale për shkelësit, që të blindojmë rezultatet e arritura me sakrificë ditë pas dite dhe të mbajmë mbyllur çdo shteg rikthimi të armikut;

do të zgjerojmë duke nisur nga e hëna fashën orare të shërbimeve ushqimore, farmaceutike dhe bankare, deri në orën 17.30

do të zgjerojmë brenda javës së ardhshme (nëse kurba e infeksionit do të qëndrojë në trendin aktual) mundësinë e lëvizjes me automjet privat të atyre që punojnë në hapësirën e lejuar të aktivitetit ekonomik

do të miratojmë javën që vjen në parlament risitë e kodit penal / rrugor për periudhën e gjendjes së jashtëzakonshme të epidemisë

do të përgatisim brenda javës tjetër rregulloren e standardeve bazë të sigurisë për njësitë ekonomike të shërbimit që do të hapen në javët e mëtejshme

do të publikojmë fillimjavën e ardhshme, paketën e zgjeruar të mbështetjes financiare, për të lehtësuar drejtëpërdrejtë:

1) bizneset e vogla që edhe pse nuk u mbyllën gjatë kësaj periudhe, u goditën ndjeshëm në xhiron e tyre si pasojë e luftës, si për shembull agjenci turistike, rrobaqepēsi e mobileri të vogla, hidraulikë, elektriçistë, fizioterapi, kancelari, servise makinash e lavazhe të liçencuar, etj., përfshirë edhe shoferët e taksive e të linjave të transportit urban e punonjësit e tyre...

2) punonjësit e bizneseve të mëdha, që bazuar në listë-pagesat e fundit, figurojnë të goditur nga lufta në vendin e tyre të punës, të cilëve do t'u sigurojmë mjetet e nevojshme financiare të rezistencës për dyzetë ditët vendimtare në vijim - duke mbajtur parasysh se një pjesë e madhe e tyre mund të rikthehen në punë deri në fund të majit dhe se paketa mund të rizgjerohet, sipas dinamikës e nevojave të luftës në 10 ditëshin e fundit të muajit maj

3) sektorët e turizmit e të industrisë fason dhe njësitë prodhuese në tërësi