Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

Nga Tirana në Berat, Top Channel nuk i ndahet firmës së biznesmenit të afërt me qeverinë

Politiko 4 Qershor 2018, 20:07
Nga Tirana në Berat, Top Channel nuk i ndahet firmës së

Pak ditë më parë, Top Channel publikoi dy kronika (në ditë të ndryshme) sa i takon firmës ‘Salillari’ duke raportuar se kompania në fjalë po ushtronte aktivitetin e saj në zonën e Vorës edhe pse i është pezulluar leja mjedisore nga ana e ministrisë së Mjedisit. Kjo e fundit madje pohonte se ja ka pezulluar lejen firmës në fjalë por interesimit të Top Channel për t’u njohur me dokumentat nuk ju përgjigj.

Ditën e sotme, Top Channel ka publikuar një tjetër kronikë sa i takon kompanisë ‘Salillari’, këtë herë për pikën e inerteve që kjo kompani ka ndërtuar në shtratin e lumit Osum pranë kanioneve.

Kronika e publikuar sot në Top Channel

Osumi shkatërrohet pa leje. “Salillari” merr inerte nga lumi pranë kanioneve

Agjencia Kombëtare e Mjedisit ka refuzuar dy herë t’i japë leje mjedisore kompanisë “Salillari” për të shfrytëzuar shtratin e lumit Osum pranë kanioneve.

Megjithatë, kompania e ka ndërtuar pikën e inerteve pranë kanioneve ku merr zhavorrin e lumit për të ndërtuar një pjesë të rrugës Skrapar-Përmet. Pertaq Tole, drejtor i Agjencisë së Mjedisit në Berat, tregon se leja nuk jepet nga institucioni që ai drejton, por ai ka në dorë dokumentet që tregojnë se “Salillari” punon pa leje.

“Subjekti “Salillari” ka aplikuar për leje mjedisi, por leja nuk i është aprovuar”, shprehet Petraq Tole, drejtor i ARM, Berat.

Leja nuk i është dhënë dy herë rresht. Ndërkohë, në shtratin e lumit Osum punon me kapacitet të plotë një impiant i ndërtuar nga kompania, e cila merr në lumin Osum inertet. Kjo kompani ka një kontratë me autoritetin shtetëror të rrugëve për të ndërtuar një pjesë të rrugës që lidh Skraparin me Përmetin.

Kompania ka marrë një leje nga Këshilli i basenit Seman që mbulon edhe Beratin për shfrytëzim inertesh lumore, por që nuk ka leje mjedisore nga Agjencia Kombëtare e Mjedisit. Këtë e konfirmojnë drejtuesit lokale të agjencisë. Ndërkohë loti i parë i rrugës Skrapar-Përmet do ndërtohet me një investim prej 1.2 miliardë lekë.

Të fundit