Flash News

Gjendet i pajetë 71-vjeçari nga Kamenica, ishte shpallur i humbur prej tre ditësh

Aksident tragjik në Autostradën “Ibrahim Rugova”, humb jetën një grua nga Fushë-Kruja

Drejtësia amniston Xhaçkën, Apeli i Posaçëm vendosë të mos hetojë ish-ministren

Berisha vlerëson raportin e OSBE: I kanë rrëzuar përtokë zgjedhjet

Gjykata e Lartë kthen për rigjykim ankimimin e Arbër Veliajt

KRYESORE

Nga vrasja e vëllait të Arben Ndokës, te arrestimi i Habilajve dhe Sotës/ Ngjarjet e kronikës që tronditën opinionin në 2017-n

Politiko 31 Dhjetor 2017, 17:33
Nga vrasja e vëllait të Arben Ndokës, te arrestimi i Habilajve

Viti që lamë pas ka patur mjaft ngjarje të rënda të kronikës së zezë. Nga krimi në familje, e deri te arrestimi trafikantëve të rangjeve të larta, pa lënë mënjanë aksidentimin e një ministri dhe atë të eskortës së Kryeministrit, më poshtë mund të shihni disa ndër ngjarjet më kryesore.

 

Hetimi i Sajmir Tahirit, heqja dhe ridhënia e pasaportës

Më 19 tetor Prokuroria e Krimeve të Rënda i dorëzoi Kuvendit të Shqipërisë, të gjitha provat dhe materialet për ish-ministrin e Brendshëm Saimir Tahiri, duke kërkuar arrestimin e tij. Në dosjen e dorëzuar në Kuvend binte në sy fakti, se Prokuroria e Krimeve të Rënda ka nisur hetimet që në vitin 2016 ndja tij.

Hetimi ka nisur ndaj Moisi dhe Artan Habilaj, por në këtë rrjetë ka rënë edhe Saimir Tahiri, në atë kohë ministër i Brendshëm.

Në dosjen e dorëzuar në Kuvend, emri i Tahirit del edhe tek aksioni i Babicës sëë Vlorës, ku u kapën 4 ton kanabis sativa, i gatshëm për tu ngarkuar dhe trafikuar.

“Në lidhje me këto fakte penale dhe për subjektet Moisi Habilaj, Florian Habilaj, Artan Habilaj, Armand Kocerri, etj, nga Prokuroria Pranë Gjykatës së Shkallës së Parë për Krime të Rënda, është zhvilluar hetimi në rang të procedimeve penale me Nr 134 të vitit 2016 dhe 164 të vitit 2017”, thuhet në dosje.

Kuvendi e rrëzoi poshtë kërkesën për arrestimin e Tahirit.

Ai vazhdon të jetë gjithsesi nën hetim. Më tej, dy javë pasi iu ndalua të dalë jashtë Shqipërisë, ish-ministri i Brendshëm, Saimir Tahiri fitoi në Apel jo vetëm pasaportën dhe kartën e identitetit që i kishte dorëzuar me urdhër të Gjykatës, por edhe betejën ndaj dy vendimeve të Shkallës së Parë që e ndalonin të udhëtonte përtej kufijve.

Ndërkohë hetimi ndaj tij vijon.

 

Vritet Aleksandër Ndoka, vëllai i ish-deputetit socialist Arben Ndoka

Aleksandër Ndoka, ishte vëllai i ish-deputetit të PS-së Arben Ndoka.

Ai u gjet i pajete më 8 dhjetor në automjetin e tij, ekzekutuar me arme zjarri nga persona ende te paidentifikuar.

Ai ishte këshilltar në Këshilin Bashkiak të Lezhës.

Dy muaj më parë, Aleksander Ndoka ishte emëruar në postin e drejtorit të IKMT-së në Shkodër.

Ai ishte baba i katër femijëve, dy vajzave dhe dy djemve, dhe që nga viti 2015 ishte zgjedhur këshilltar në Këshillin Bashkiak të Lezhës, përfaqësues i “Partia Rruga e Lirisë”.

Krahas kësaj kishte edhe një lokal pranë banesës ku jetonte me familjen.

 

Arrestimi i Orest Sotës me 800 mijë euro

Më 3 nëntor policia e Elbasanit ka arrestuar shtetasin Orest Lefter Sota sepse nuk i ka ndaluar postbllokut të policisë.

Gjatë kontrollit në automjet i janë gjetur dhe sekuestruar mbi 800 mijë Euro dhe dy dëshmi aftësie për drejtim automjeti në emër të Saimir Tahirit.

Lajmi u bë i ditur fillimisht nga kreu u opozitës, Lulzim Basha.

Sota është ende në hetim dhe qëndron në burg, teksa dyshohet se paratë e tij ishin të Sajmir Tahirit.

 

Saga e Çapajve,  qëlluan policinë por lirohen nga burgu

Më 9 janar u liruan Çapajt që qëlluan policinë.

“Tre të dyshuarit e familjes Çapja nuk e njohën policinë. Ata qëlluan kundër saj pasi dyshuan se po organizohej sërish një atentat nga kundërshtarët e tyre”.

Me këtë argument Prokuroria e Krimeve të Rënda shpalli moskompetencën dhe ridërgoi për hetime të mëtejshme në Prokurorinë e Elbasanit shtetasit Ardian Çapja, Florenc Çapja dhe Bledar Muça, të arrestuar gjatë verës 2016 pasi hapën zjarr kundër oficerëve civilë të policisë, të cilët po i mbanin nën vëzhgim për shkak të një ngjarjeje kriminale kundër tyre.

 

Tritol në Vlorë, shpërthimi gjymton rëndë të riun

Më 27 nëntor një shpërthim i fuqishëm tritoli për pak sa nuk i mori jetën një 25 vjecari në qytetin e Vlorës.

Sasia e lëndës plasëse ishte vendosur në makinën tip Jeep, ndërsa shpërthimi ndodhi në ecje e sipër.

Ngjarja ndodhi rreth orës 10:20 pranë godinës së Institutit të Sigurimeve Shoqërore në qytetin bregdetar. Shënjestër ishte Inez Hajrulla 25 vjeç, djali i një biznesmeni në Vlorë.

Uniformat blu bënë të ditur se në momentin e shpërthimit, 25 vjeçari ishte vetëm në makinë. Banorë të zonës dhe kalimtarë të rastësishëm i dhanë ndihmën e parë të plagosurit, duke e dërguar me urgjencë në spital. Ai mori ndihmën e parë, por ndodhet në gjendje të rëndë pasi nga shpërthimi ka humbur një nga gjymtyrët e poshtme.

Atentatorët dyshohet se kishin vendosur rreth 300 gramë tritol në pjesën e përparme të makinës, duke realizuar një shpërthim të telekomanduar.

Inez Hajrulla nuk është emër i panjohur për policinë. Ai ka qenë i dënuar më parë për vjedhje me armë të një kazinoje në vitin 2013. Hajrulla kishte kërkuar rigjykim të çështjes në Kushtetuese, por diçka e tillë nuk i ishte pranuar.

 

Vret babain me çekiç dhe ia hedh turpin në liqen

Më 24 dhjetor Selman Alija, 28 vjeç, që dyshohet se vuan nga problem mendore, masakroi për vdekje me çekiç babain e tij 74-vjeçar, e më pas trupin e hodhi në liqenin e Farkës.

Ngjarja e rëndë ka ndodhi në banesën e familjes Alija me origjinë nga Kukësi, të cilët prej vitesh kishin ndërtuar shtëpinë e tyre në rrugën “Agush Gjergjevica”, në zonën e Shkozës.

Por pasditen e së shtunës, një nga djemtë e tjerë të familjes ka njoftuar policinë, se babai Fejzo Alija nuk ishte kthyer në shtëpi që prej të premtes dhe se nuk përgjigjej në telefon.

Inpektorët e policisë, që ndoqën rastin, gjetën në banesë gjurmë gjaku dhe nisën hetimet, që çuan në zbulimin e vrasjes së rëndë.

Polumbarët nxorën trupin e viktimës nga liqeni, të mbështjellë me një qilim, ndërsa nga banesa në Farkë, autori e kishte transportuar me një automjet Volksvagen, ndonëse nuk kishte leje drejtimi.

 

Arrestimi i Mosi Habilajt, kryetrafikantit të marijuanës, kushëri i Saimir Tahirit

Më 16 tetor një organizatë shqiptaro-italiane që akuzohet se ka trafikuar 3.5 ton kanabis sativa është shkatërruar nga policia italiane. Janë 7 persona të arrestuar operacionin e koduar ‘Erë trëndafili’, mes tyre 3 janë shqiptarë e 3 italianë.

Por njëri prej tyre është një emër shumë i njohur në Shqipëri. Bëhet fjalë për vlonjatin Moisi Habilaj, kushëriri ish-ministrit të Brendshëm, Saimir Tahiri, i cili sipas opozitës, trafikonte drogë me ‘Audin’ e ministrit.

Habilaj është në hetim në Itali aktualisht, ndërsa ish-ministri Tahiri po hetohet në Shqipëri për lidhjet e tij të mundshme me trafikun e drogës.

 

Vrasja nga bashkëshorti i gjyqtares Fildeze Hafizi

Më 31 gusht, pas dy vitesh dhunë e terror dhe e braktisur nga shteti, gjyqtarja Fildeze Hafizi është vrarë nga ish-bashkëshorti i saj, Fadil Kasemi në Tiranë.

Fadil Kasemi e ka pritur për disa orë ish-bashkëshorten e tij poshtë pallatit. Fildeze Hafizi ishte duke parkuar makinën e saj tip Mercedez-Benz, poshtë pallatit ku ajo jetonte bashkë me djalin dhe vajzën e saj. Pikërisht në momentin që ka parkuar makinën, nga krahu i pasagjerit është afruar ish-bashkëshorti Fadil Kasemi dhe e ka qëlluar dy herë, duke i shkaktuar vdekjen e menjëhershme Fildeze Hafizit, e cila ishte ende në timon.

Njëri nga plumbat e ka kapur në trup gjyqtaren e shkallës së Parë të Shkodrës, ndërkohë që tjetri në kokë, çka i ka shkaktuar vdekjen.

Kasemi kishte 8 muaj që kishte dalë nga burgu, pasi ishte dënuar 4.6 vite, pasi në 2015 kishte bërë tentativën e parë për vrasjen e ish-gruas.

 

Audi i blinduar rrezikon jetën e policëve në Elbasan, por policia nuk e ndjek

Më 18 shtator një automjet nuk i ndaloi post-bllokut dhe rrezikoi jetën e efektivëve duke u larguar me shpejtësi, teksa policët ishin në këmbë dhe pranë mjetit të blinduar tip Audi.

Zv. shefi i policisë së Elbasanit Gjergj Oshafi që ishte në vendngjarje tha se “drejtuesi i mjetit, me sa vura re, ishte rreth 35-40 vjeç, me fytyrë të mbushur dhe me kapelë të rrumbullakët. Tjetër gjë s’kam mundur të fiksoj, pasi mjeti lëvizte me shpejtësi”.

Policia i ka bërë thirrje rojës së tregut që të hapë derën, por ai nuk është bindur duke thënë se nuk kishte të drejtë t’ua hapte derën pa pyetur më parë administratorin e tregut, biznesmenin Petrit Çela.

Dera e objektit u hap kur erdhi Çela.

Mjeti u gjet i parkuar në pjesën juglindore të tregut, pranë një bar restoranti. Aty u bë i mundur identifikimi i targës së saj, AA795EP. Ajo u gjet e mbyllur dhe çelësat e saj i dorëzoi biznesmeni Petrit Çela.

Më vonë u zbulua se në drejtimin e mjetit, kishte qenë i biri i biznesmenit, Suel Çela.

Mbi policinë ranë akuza të rënda se e kishte toleruar mjetin dhe nuk ishte vënë në ndjekje të menjëhershme të tij.

 

Masakra e Lushnjës, vriten në mes të qytetit dy të rinj

Më 10 tetor Lushnja u terrorizua nga breshëri kallashnikovësh në mes të qytetit. Një masakër të tillë qyteti i Lushnjës nuk e kishte parë që nga viti i largët i 1997. Dy të rinj mbetën të vrarë, në një atentat të mirëpërgatitur. Dy persona të tjerë po ashtu janë plagosur nga breshëria e plumbave.

Viktimat janë: Zamir Lati 23 vjeç dhe Jurgen Hoxha 22 vjeç. I plagosur ka mbetur edhe pronari i lokalit ku ndodhi ngjarja, Marius Xhepexhiu. Plumbat kanë prekur edhe një kalimtar, Bujar Turkun 66 vjeç po kalonte me biçikletë.

Autori kryesor i vrasjes së dyfishtë në Lushnjë, Laert Haxhiu, lëvizte lirisht dhe i armatosur në qytetin e Lushnjës, ndonëse ai ishte person në kërkim për një tjetër tentativë vrasjeje një vit më parë.

Bëhet fjalë për atentatin e dështuar ndaj nipit të Aldo Bares, Xhulio Shkurti, i cili mbeti i plagosur bashkë me mikun e tij, Sajmi Xhelili. Ndonëse ishte në kërkim, Haxhiu nuk i bindej as urdhrave të Policisë, duke i sfiduar ata haptazi në këtë qytet. Siç rezulton edhe në faqen zyrtare të Gjykatës së Lushnjës, në ngarkim të Haxhiut është regjistruar një çështje penale më 11 prill të këtij viti.

 

Aksidenti automobilistik i ministrit Arben Ahmetaj në Maqedoni

Më 16 gusht ministri i Financave, Arben Ahmetaj u përfshi në një aksident automobilistik në afërsi të Kumanovës në Maqedoni.

Furoistrada me të cilën udhëtonte Ahmetaj, e tipit Range Rover, u përplas me një autobus që vinte nga Zvicra dhe me një tjetër autoveturë.

Policia maqedonase që shkoi në vendngjarje e transportoi ministrin shqiptar në spital. Ahmetaj mori disa lëndime të lehta.

Ai u vizitua në spital edhe nga zëvendësministri i Brendshëm maqedonas, Agim Nuhiu, i cili konfirmoi se si ish-ministri Ahmetaj, ashtu si edhe 14 të plagosurit e tjerë në këtë aksident ndodheshin jashtë rrezikut për jetën.

 

Të fundit