Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Ngjela: Rama dhe Thaçi bëjnë politikë antikombëtare, duan të duken si patriotë por janë qesharakë

Politiko 2 Janar 2020, 16:51
Ngjela: Rama dhe Thaçi bëjnë politikë antikombëtare,

Avokati Spartak Ngjela ka akuzuar kryeministrin Edi Rama dhe presidentin e Kosovës Hashim Thaçi se nga halli bëjnë sikur janë patriotë, porse me propozimet e tyre të fundit po tentojnë dëshpërimisht që të favorizojnë Serbinë. Ai u shpreh se reforma në drejtësi e ka trembur të gjithë korrupsionin e lartë shtetëror në Tiranë, por asnjëri nga këta nuk e ndalon dot.

“Historia na ka treguar se, sa herë që pushtetarët shqiptarë janë në rrezik për pushtetin, shkojnë në Beograd, domethënë te pushtuesi. Dhe Beogradi i pret. Në fakt, ka 150 vjet që Beogradi i pret dhe i përcjell. A e dini se sa pushtetarë sundues ka sjellë Beogradi në pushtet në Shqipëri? Tre janë të njohur me fakt historik: Esad Toptani, Ahmet Zogu dhe Enver Hoxha. Të tjerët do të faktohen, sigurisht.”, shkroi ai në Facebook, duke i quajtur Ramën dhe Thaçin më qesharakët.

Ai madje ka akuzuar edhe kreun LDK-së isa Mustafa se nuk po lejon formimin qeverisë së Kosovës.

“Njëri, Rama, po iu betohet shqiptarëve se ështe një dashnor i atdheut i patriotizmit, kurse tjetri, Thaçi, po i kërkoi Ramës të hapnin kufijtë e Shqipërisë dhe Kosovës, për të futur indirekt Kosovën në Minishengen. Janë në hall, por duket se Beogradi po iu kërkon haraçin. Shenjat janë se edhe titistit Isa Mustafa, duket se haraçin po i kërkon, për të mos lejuar qeverinë Kurti.

Të gjithë ata që kapen në politikën e tyre antikombëtare, kur përulen me servilizëm për të kaluar rrezikun, bëhen qesharakë. Kështu sikundër që po bëhen edhe këta. Në fakt, në këtë derexhe i ka degdisur frika. Prandaj duket sikur luten.”

Ngjela tregon edhe se çfarë është Mini-Shengeni Ballkanik.

“Ai është një errësim tërësor i individualitetit ekonomik shqiptar në Ballkanin Perëndimor, ky është thelbi i Mini-Shengenit Ballkanik Rama - Vuçiç.

Shqiptarët, të terrorizuar në 45 vjet nga komunizmi, ikën masivisht drejt Perëndimit në vitin 1991, dhe vijuan të ikin në 29 vjet rresht. Ikin nga varfëria e imponuar në Shqipëri nga sunduesit që u pasuruan vetëm më varfërinë shqiptare. Ikin të zhgënjyer me tmerr nga sunduesit e politikës. Por, këta kanë mbajtur familjet e tyre këtu në Shqipërinë e dhunuar nga varfëria e imponuar. Dhe po e mbajnë në këmbë edhe vetë Shqipërinë; dhe po kështu ndodh edhe në Kosovë. Shqiptarët, në këtë kohë të vështirë për ta, ia arritën ta ruanin Shqipërinë duke shitur punë – shqiptarët eksportuan punë dhe fituan valutë perëndimore; se, në fund të fundit, puna është mall.”, argumentoi ai.

Avokati gjykon se pushtuesit shekullorë të trojeve shqiptare tani krijuan Mini-Shengenin për të shpërbërë botën shqiptare në Ballkanin Perëndimor.

“E pra, duke e ditur se në Shqipërinë e dhunuar nga vetë ata nuk ka prodhim industrial, kërkojnë që me prodhimin e tyre, të marrin valutën e mundit shqiptar. Kurrë nuk do t’ia arrijnë dot.

Por, një gjë duhet të kujtojmë: gjithë shitësit e interesit kombëtar janë treguar qesharakë kundrejt historisë, se janë betuar për dashuri ndaj atdheut, pasi e kanë shitur atë.

Këta të dy, Rama dhe Thaçi, janë të fundit, por edhe më qesharakët, sepse u kapën para sesa ta kryenin aktin: edhe ndërrimin e territoreve, por edhe Mini-Shengenin Ballkanik.”

Të fundit