Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

"Nis faza e parë e betonizimit të Parkut të Liqenit në Tiranë", PD denoncon me dokumente: Fitues të tenderit, klientët e zakonshëm të Ramës

Politiko 28 Qershor 2020, 15:04

Partia Demokratike ka denoncuar skandalin e radhës me ndërtimet në zonën e Parkut të Liqenit. Përmes një postimi në rrjetet sociale, zëdhënësja e PD, Ina Zhupa publikon disa dokumente duke u shprehur se: “Bashkia e Tiranës ka shpallur tenderin për hartimin e zonës së planifikuar tek Garda e Republikës për të betonizuar Parkun e Liqenit”.

“Bashkia Tiranë ka shpallur fituesin e tenderit për “Hartimin e Planit të Detajuar Vendor të Njësisë TR/169” që është zona ku ndodhet Garda e Republikës pranë parkut të liqenit , fituese ka rezultuar kompania “I Ri “ sh.p.k. Por ky është vetem emri që nga mbrapa ka zotëruese kompaninë “51N4E” sic tregojnë dokumentat dhe Gent Agollin, ish konsulentin e “Sheshit Skenderbej”, pra klientet e zakonshëm të pushtetit”, shprehet Zhupa.

Projekti ishte denoncuar nga Partia Demokratike në 2018, por tashmë ka filluar faza e parë e punimeve të tij. Sipas Zhupër, punimet i janë dhënë kompanisë ku punon Rea Xhillari, vajza e Linda Ramës, bashkëshortes së kryeministri Edi Rama.

Preteksti i Veliajt sipas PD, është se aty do transferohet Biblioteka Kombëtare dhe Qëndra Kulturore për fëmijë të cilat do t’i hapin rrugë kullave shumëkatëshe.

Postimi i plotë i Ina Zhupës:

Veliaj nis fazën e parë e BETONIZIMIT të zonës së PARKUT TE LIQENIT, me ndertesa mbi 9 kate e 29 metra lartesi! Zgjedh firmen e 51N4E, e njohur si vendi i punës së Rea Xhillarit, vajzës së familjes Rama.

E kemi paralajmeruar dhe faktuar me dokumenta që në 2018, betonizimin e zonës së parkut te Liqenit, atje ku ndodhet garda e republikës, me preteksin që aty do transferohej Biblioteka Kombetare edhe Qëndra Kulturore për femijë për të hapur rrugën e ndërtimeve shumëkatëshe. Ateherë Veliaj e mohoi, edhe si në cdo rast tjetër thjesht mashtroi.

Bashkia Tiranë ka shpallur fituesin e tenderit për “Hartimin e Planit të Detajuar Vendor të Njësisë TR/169” që është zona ku ndodhet Garda e Republikës pranë parkut të liqenit , fituese ka rezultuar kompania “I Ri “ sh.p.k. Por ky është vetem emri që nga mbrapa ka zotëruese kompaninë “51N4E” sic tregojnë dokumentat dhe Gent Agollin, ish konsulentin e “Sheshit Skenderbej”, pra klientet e zakonshëm të pushtetit.

Zona e propagandua nga Veliaj se do i kthehej parkut të liqenit por nderkohë është planifikuar për shërbime, zyra, parkim, banim, ku kullat e klienteve të zakonshem do zaptojnë edhe këtë territor në hyrje të parkut.

Ky plan i Veliajt dëmton akoma më shumë qytetarët e Tiranës, ku çdo cep po betonizohet edhe hapësira e vetme e gjelbër si parku po kafshohet me kulla nga te gjitha anët e saj.