Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

"Nisen me varkë për të mbrojtur detin", Rama: S'ka marrëveshje me Greqinë, negociatat janë ndërprerë

Politiko 7 Shtator 2020, 18:50

"Nisen me varkë për të mbrojtur detin", Rama: S'ka

Kryeministri Edi Rama ka reaguar sërish lidhur me negociatat për kufirin detar me Greqinë.

Gjatë fjalës së tij në Kuvend, Rama tha se të shpallurit fajtor për çështjen e detit kanë dalë në mbrojtje të tij, duke shigjetur ish-kryeministrin Sali Berisha, presidentin Ilir Meta dhe kryedemokratin Lulzim Basha.

Kreu i qeverisë u shpreh i prerë se nuk ekziston një marrëveshje me Greqinë për çështjen e kufirit detar, duke theksuar se negociatat janë ndaluar që me ndryshimin e qeverive në shtetin fqinj.

“Dëgjova njërin këtu që bëriti e tha: se lëshojmë detin ne. Se pash kush ishte, se ishte me maskë. Se pash kush po mbron detin në sallë me maskë. Kushdo që të jetë, e para dhe po të duash që ta lëshon, se lëshon dot. S'ke asnjë mundësi. Kushdo që do të donte ta lëshonte, cilido qoftë se lëshon dot. S’ka asnjë mundësi. Mos u bëni qesharak. Kaq qesharak e të poshtër. Poshtërisht qesharak. Sepse ata të cilët i frynë këtij zjarri e dinë se nuk ka asnjë gjë vërtete. Por në vend që të punojnë për popullin, duan ta përdorin popullin. Në vend që të punojnë për shqiptarët që janë në punën e tyre dhe shqetësohen, duan t’i përdorin ata. Të kapin ndonjë votë. Kap ça të kapësh. Nisen me varka mono, për të mbrojtur detin në mes të diellit. Duke i rënë lopatës sa majtas djathtas, dhe dalin në deklarata të veshur me kostum për të mbrojtur detin. Ça deti po mbroni? Kë det? Keni konstatuar se ka zbythe deti drejt Greqisë? Mos ka dalë gjë deti atje? Që bëni këto luftëra me varka? Deti aty është. Nuk është as deti, as toka, as ajri, një materie që mund të negociohet apo të ndahet siç ndaheshin tenderat kur LSI drejtonte Autoritetin e Rrugor shqiptar. Nëse bëhen, bëhen me negociata dhe jo me muhabete varkash. Personat e autorizuar, nëse bëhen diçka paraqesin konkluzione tek autoritetet. Nëse qeveria firmos një marrëveshje, ka një autoritet që e gjykon atë, që është zoti president i Republikës. Se di pse është futur dhe ai në mbrojtje të detit. Po e di shumë mirë se po nuk erdhi dhe deti tek ai, s’ka tjetër. Është dhe Gjykata Kushtetuese, dhe parlamenti i Shqipërisë.

Ata që e lëshuan detin, sot kanë dalë ta mbrojnë. Ilir Meta, Sali Berisha, Lulzim Basha. Monika në atë kohë nuk kishte lopatën, kishte vetëm varkën se lopatën e kishte Iliri, dhe s'po e fut në këtë pjesë. Marrëveshjen e bënë me firma dhe me vula, s’ka marrëveshje me fjalë. E firmosi me buzëqeshjen më të gjatë që kam parë në fytyrën e Lulzim Bashës. Ishte buzëqeshje me milje, po ta shohësh edhe nga pas, mund ta shohësh edhe me buzën pas. Ka dalë Ilir Meta e ka mbrojtur në atë kohë me gjithë peshën e tij, edhe fizikë. Ishte dyfish atë kohë. Bën marrëveshjen më të gabuar për Shqipërinë. Si e bënë? Në rrugë zyrtare. Me firma dhe vula. S’ka marrëveshje me fjalë për territoret e një vendi. S’ka si ndodh. Ne e kemi çuar në Gjykatën Kushtetuese një marrëveshje të firmosur, të vulosur, të vendosur. E çuam në Gj K dhe nuk e bëmë pazar peshku dhe Kushteuesja dha votën 9 me zero dhe e quajti një marrëveshje që cënon interesat kombëtare. Këta janë fajtorë faktikisht për cënim të interesave kombëtare këta sot qenkan mbrojtësit e interesave kombëtar.

Latmadhëni (duke iu drejtuar Gjuzit) unë nuk fus njeri në burg. Qeveria në demokraci nuk fut njerëz në burg. Që të futësh njerëz në burg në demokraci duhet të jesh mbret, ose të jesh kryeministër i një partie shtet, po ju kapni sa të kapni për sa kohë keni trupeshq që e hanë karremin tuaj, të Saliut, Ilirit. Atje ku ka peshq që votojnë kapini, futinin në rrjet dhe shpëtoni detin imagjinar. Ne me Greqinë kemi nisur negociata që kanë ndaluar, nuk jemi në negociata me Greqinë që me ndryshimin e qeverisë o shqipe që fluturoni lart me perime dhe zarzavate. Mos më ndërprit se më je bërë si zhurmuesi i Jugosllavit (duke iu drejtuar Gjuzit). Mos u bëni qesharak duke mbrojtur detin nga asgjëja, sepse përderisa ne jemi ata që e rrëzuam atë marrëveshje, s'mund të jemi ata që e ribëjnë në cënimin e interesave kombëtar. Nuk është më një kamion me 12 litra deti që ka lëvizur pa e marrë vesh ju, janë 12 milje. Nuk është kampion ai që ka lëvizur në doganat që drejtoheshin nga Timi, nuk është më ajo kohë, Timi s'ka fja se e mndon se mund të funksionojë si trau i doganës puna dëti, por nuk kalon deti nga dogan dhe pastaj del pala tjetër po shtrihemi ne se na erdhi kamioni. E çoroditët këtë pjesë të popullit që iu ndjek verbërisht që Zoti ia u ka dhënë të gjitha por i kanë lënë në tako dhe shkojnë pas berihait." tha Rama.