Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Nishani dhe Thaçi përpiqen të qetësojnë Brukselin: E ardhmja e dy vendeve është Europa

Politiko 11 Maj 2017, 11:29
Nishani dhe Thaçi përpiqen të qetësojnë Brukselin: E

Presidenti i Kosovës, Hashim Thaçi dhe Presidenti i Shqipërisë, Bujar Nishani deklaruan të enjten se ardhmja e dy vendeve është Evropa dhe për këtë do të punojmë maksimalisht.

Gjatë konferencës së përbashkët për shtyp Presidenti Thaçi theksoi se “faktori i brendshëm duhet ta ndihmojë dhe përshpejtojë procesin e integrimeve si të Kosovës dhe Shqipërisë , që të kemi sa më tepër politikë të konsoliduar, insitucione të konsoliduara dhe efektive”.

“Kosova është në prag të liberalizimit të vizave. Kosova ka përmbyllur me sukses dhe me vlerësim shumë të lartë nga BE implementimin e të gjitha kritereve për liberalizimin e vizave”, nënvizoi Thaçi.

Ndërsa presidenti Nishani tha se “ky  proces ka rrugëtimin dhe sfidat e tij. Zhvillimet e brendshme politike në Shqipëri janë zhvillime në kuadër të kontestit politik. Unë kam ndërmarrë dhe do të vazhdoj ta bëj deri në ditën e fundit përpjekjet e mia për të ridimensionuar rëndësinë e kompromisit në adresim të çështjeve madhore siç janë çështjet e ndërtimti të shtetit , funksionimit të institucioneve, të demokracisë . Të gjitha këto janë në kuadër të një procesi, atij të integrimit në BE, pasi ne nuk kemi alternativë tjetër.

“Situata aktuale politike në Shqipëri nuk është se e ndihmom përshpejtimin e procesit, por unë jam i bindur se nuk do ta ndalojë këtë proces, pasi integrimi është përcaktim i shumicës dërrmuese të qytetarëve shqiptarëve dhe jo politikanëve”.

Gjatë takimit Presidenti i Republikës së Shqipërisë, Bujar Nishani u nderua me “Urdhrin e lirisë”. Titulli i lartë iu dorëzua Nishanit nga Presidenti i Kosovës, Hashim Thaçi, gjatë takimit që zhvilluan në presidencën kosovare.

Të fundit