Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

“Nishanin unë e futa në politikë”, 5 përfundimet e gazetarit për librin e Bamir Topit: Turp është t’u vjedhësh pronat kushërinjve

Politiko 17 Maj 2019, 12:38

Rrëfimet nga përvoja si politikan i ish presidentit Bamir Topi janë bërë publike prej ditësh në media, pas promovimit të librit të tij ‘Nocturn’ me nëntitull: Kur arsyeja errësohet nga pushteti.

Në një nga pjesët e librit i kushtohet edhe ish presidentit Bujar Nishani, për të cilin thotë se para se të bëhej pjesë e politikës (prej tij) punonte në një pikë karburanti.

Gazetari Dritan Hila e komenton këtë fragment, duke theksuar se ka dyshime që Nishani të jetë bërë pjesë e politikës falë Topit, ndërsa arrin në pesë përfundime konkrete.

“Lexova nje pjese nga libri kujtimeve ku Bamir Topi rrefen sesi ka gjetur Bujar Nishanin duke punuar ne nje pike karburanti dhe e ka futur ne politike.

Personalisht dyshoj fort qe Bamiri e ka futur ne politike Nishanin por edhe ne qofte e vertete nuk ka asgje te keqe. Dikush behet sebep te nisesh nje profesion ne udhetimin e jetes. Sepse edhe Bamirin e ka futur dikush (Berisha, e ka futur) por jo si me te mencurin e Tiranes. Thjesht u ndodh ne vendin e duhur ne kohen e duhur.

Se pari nje burre nuk eshte turp te punoje per te mbajtur familjen. Turp eshte kur shet vendet e gjykatesve ose ju vjedh pronat kushërinjve.

Se dyti, Nishani vjen nga nje familje e fisme gjirokastrite. Ka qene pedagog. Ka punuar ne Ministrine e Mbrojtjes ne sektorin e marredhenieve me jashte derisa socialistet qe erdhen ne 1997-en e nxoren ne lirim. Dallget e jetes te perplasin lart e poshte por e rendesishme eshte te ruash dinjitetin, dhe dinjitetin nuk ta ul asnjelloj pune e ndershme.

Se treti kam degjuar qe here i thone qe ka punuar kamerier dhe tani punonjes ne pike karburanti. Besoj se turp eshte te shpifesh.

E quan Nishanin medioker. Une do quaja medioker madje banal nje si Bamiri qe duke qene baba i dy vajzave dhe 60 vjeç burre, flirtonte me gazetaren qe e merrte ne interviste duke reklamuar syzet.

Se katerti: Bamir, nderro modelin e favoriteve se edhe vete Zdravkoja ka 30 vjet qe e ka ndryshuar modelin e tyre dhe Jugosllavia eshte shperbere.

Dhe e fundit: perfundimisht politikanet shqiptare jane te gjithe mitomane dhe eshte shpenzim i kote parash te blesh librat e tyre me kujtime (meqe ra fjala, une e lexova ne internet)”, shkruan gazetari, referuar edhe një interviste dhënë për Bieta Sulon pak kohë më parë.

Të fundit