Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

Një ditë para përfundimit të afatit, ish-deputeti i PD kandidon për postin e Komisionierit Shtetëror të Zgjedhjeve

Politiko 17 Shtator 2020, 12:25
Një ditë para përfundimit të afatit, ish-deputeti i PD

Një ditë përpara përfundimit të afatit zyrtar të aplikimeve, ish-deputeti i PD-së, Sali Shehu, ka dorëzuar sot dokumentet për pozicionin e Komisionerit Shtetëror të Zgjedhjeve.

Shehu ka qenë deputet i PD-së, anëtar i Këshillit Kombëtar dhe i Kryesisë së Partisë, si dhe Kryetar i KLSH-së, teksa kërkon një tjetër funksion publik.

Kujtojmë se në njoftimin e publikuar nga Kuvendi për plotësimin e 12 vendeve në KQZ-në e re, Komisioner Shtetëror i Zgjedhjeve mund të zgjidhet shtetasi shqiptar që vjen nga radhët e ish-funksionarëve politikë apo të kabineteve, ish-nëpunësve të nivelit të lartë drejtues, ose të-ish drejtuesve të organizatave jofitimprurëse me veprimtari në fushën e zgjedhjeve dhe të të drejtave të njeriut.

Përzgjedhja e Komisionerit bëhet në bazë të eksperiencës së mëparshme të suksesshme në drejtim, të ligjshmërisë së demonstruar ose të provuar në ushtrimin e detyrave apo funksioneve dhe të reputacionit publik të kandidatit.

Dokumentet apo referencat provuese të kandidatit për suksesin dhe ligjshmërinë në ushtrimin e detyrave duhet të shtrihen së paku për një periudhë vazhduese 3-vjeçare veprimtarie.

Një ditë më parë u mësuan edhe emrat e aplikantëve për postet vakante në Komisionin e ri Qendror të Zgjedhjeve.

Në listën e kandidatëve bie në sy se mes aplikantëve për postin e anëtarit të Komisionit Qendror të Zgjedhjeve, emri i ish-kryetarja e saj, Lefterie Lleshi, ish-anëtari i Hysen Osmanaj, po ashtu dhe ish-kryetari i Njësisë Bashkiake nr.11, Haki Mustafa.

Në listën aplikantëve për postin e anëtari është dhe emri i Arben Xhikut dhe Halil Hysenit, si dhe Irsa Ruçit.

Ndërkohë që një emër që ka aplikuar për të qenë pjese e strukturave të reja të KQZ-së është emri i ish-kryeprokurorit, Theodhori Sollaku, i cili ka aplikuar për dy poste, atë të Komisionit Rregullator dhe Komisionit të Akimimeve dhe Sanksioneve.

Në listë është edhe emri i ish-deputetit socialist, Arben Isaraj, i cili ka aplikuar për të qenë pjesë e Komisioni i Ankimimeve dhe Sanksioneve (KAS).

Të fundit