All - Scripts - 4
All - Scripts - 5

Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës
Desktop - General - 1

KRYESORE

Një muaj pasi u lirua nga burgu, policia serbe arreston komandantin e UÇK-së

Politiko 17 Prill 2018, 13:27
Një muaj pasi u lirua nga burgu, policia serbe arreston komandantin e
All - Paragraf - 1

Një muaj pasi u lirua nga burgu maqedonas, Avdyl Jakupi i njohur si Komandant Çakalla, është arrestuar nga policia serbe. Arrestimi i tij ka ndodhur mbrëmë, kur ai po udhëtonte drejt Austrisë, për të vizituar një familjar të tij.

All - Paragraf - 3

Çakalla është arrestuar rreth orës 20.00 dhe është marrë nga policia prej autobusit me të cilin ka udhëtuar. Në një deklaratë telefonike Jakupi ka treguar mënyrën se si është arrestuar nga policia speciale dhe mbajtja e tij në një vend të izoluar për 8 orë me radhë.

“Në kufi kam kaluar, kurse policia speciale më ka arrestuar pasi jemi futur thellë në Serbi. Më kanë mbajtur në një barakë rreth 8 orë rresht. Më kanë marrë në pyetje agjentë të sigurimit serb. Pasi e kanë konstatuar se për veprën për të cilën më kërkon Serbia unë kam vuajtur burg në Maqedoni, ishin të detyruar të më lirojnë”, tha në një deklaratë telefonike për Gazetën Lajm, Avdyl Jakupi-Çakalla, i cili ka qenë jo vetëm pjesëtar i UÇK Kombëtare në Maqedoni, por edhe pjesëtar i UÇPMB-së.

Pasi është mbajtur tetë orë, ai është lënë i lirë. Nuk është dëmtuar fizikisht, por është kërcënuar gjatë gjithë kohës, se mund ta mbajnë në burg sa të duan.

“Pasi më liruan, më kërcënuan që të mos e paraqes rastin në media, nga frika se turistët dhe investitorët do të largohen nga Serbia. Më thanë se nëse i tregoj dikujt për këtë rast, do të më hakmerren. Më thanë se fletë-arreste të njëjta ka për 220 ish ushtarë të UÇK-së dhe te UÇPMB-së. Apeloj që politikanët shqiptarë ta ngrenë këtë rast si problem me qëllim që djemtë tanë të mos bien në grackat e policisë serbe. Tetë ish ushtër vetëm gjenden në burgjet serbe dhe askush nuk interesohet për ta”, theksoi në deklaratën e tij Çakalla, duke shtuar se pasi është liruar është lënë në rrugë ku e marrë një person i rastit me makinë.

 

 

Të fundit