Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Një nga PS dhe një nga e djathta, dy emrat që mund të propozojë Ilir Meta për kryetar të KLSH-së

Politiko 13 Shtator 2018, 17:26
Një nga PS dhe një nga e djathta, dy emrat që mund të

Në dhjetor përfundon mandati i kreut të Kontrollit të Lartë të Shtetit. Përmes një letre drejtuar Kuvendit, kreu aktual i KLSH-së, Bujar Leskaj, njoftonte se ai nuk do të jetë më pjesë e garës për të qenë edhe një mandat tjetër në krye të institucionit që po drejton aktualisht.

Me tërheqjen e Bujar Leskaj, tashmë Presidenti duhet t’i propozojë Kuvendit një emër tjetër. Në bazë të Kushtetutës, kreu i KLSH-së propozohet nga kreu i shtetit ndërsa votohet në Kuvend.

Që pas publikimit të lajmit se Leskaj nuk do të garojë më, kanë nisur të lakohen dy emra si kandidatë të mundshëm për zëvendësimin e tij.

Emri i parë që lakohet është ai i deputetit të Partisë Socialiste, Anastas Angjeli. Ky i fundit, ka qenë ministrisë i Financave në kohën e qeverisë ‘Nano’ ndërsa ka arritur të ruajë raportet edhe me Edi Ramën pasi ky mori drejtimin e PS-së.

Dy ditë më parë në rrjetet sociale u shpërnda edhe një foto ku shfaqeshin së bashku deputetët e PS-së gjatë viteve ’92-96. Takimi thuhet se u organizua nga Angjeli ndërsa nuk dihet nëse është kjo ‘dreka e fundit’ e deputetit të PS-së në politikë, për shkak të angazhimeve që flitet se do të marrë në drejtimin e Kontrollit të Shtetit.

Emri i dytë që po lakohet, si kandidat për kryetar të KLSH-së që Meta mund t’ia propozojë Kuvendit, është ai i Avenir Pekës. Ky i fundit ka mbajtur postin e zëvendësministrit në kohën e qeverisë ‘Berisha’.

Emri i Avenir Pekës ka nisur të qarkullojë për shkak të raporteve të afërta që i vëllai i tij, Çim Peka, ka me Presidentin Meta. Madje gazetari dhe Presidenti nuk e kanë fshehur miqësinë mes tyre pasi kanë kaluar së bashku edhe pushimet verore.

Megjithatë ka ende edhe disa muaj kohë, deri në zgjedhjen e kryetarit të ri. Pritet që emrat e kandidatëve të bëhen të ditur para muajit dhjetor, ndërsa mbetet për tu parë edhe qëndrimi që do të mbajë mazhoranca dhe opozita në lidhje me kandidaturat që do të paraqes Presdienti./Politiko.al

 

Të fundit