Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

Një person vijon të qëllojë me armë zjarri ndaj policisë, plagosen dy kalimtarë

Politiko 24 Shtator 2020, 14:00
Një person vijon të qëllojë me armë zjarri ndaj

Një person vijon të qëllojë me armë zjarri ndaj efektivëve të policisë në qytetin e Elbasanit. Ngjarja po ndodh në lagjen "11 Nëntori" dhe mësohet se bëhet fjalë për shtetasin Lefter Zhidru, 71-vjeç.

Policia mbërriti aty pas një njoftimi për konflikt familjar nga bashkëshortja e tij dhe Zhidru ka qëlluar dhe po qëllon me armë në drejtim të uniformave blu. Si pasojë e të shtënave janë plagosur dy kalimtarë të çastit dhe janë transportuar në spitalin rajonal të Elbasanit.

Të plagosur me armë zjarri kanë ngelur shtetasit Abdenauer Kndraxhiu dhe Ledjo Saraçi. Ndërkohë, policia ka nxjerrë nga banesa një grua dhe një vajzë.

Personi që po qëllon në drejtim të policisë është shtetasi Lefter Zhidru, 71-vjeç. Forcat e Policisë kanë rrethuar banesën e tij, por ndërkohë shtetassi i mësipërm po bën rezistencë dhe po qëllon me armë nga dritarja.

Në ndihmë të policisë së Elbasanit janë nisur dhe forcat RENA dhe FNSH-ja.

Njoftimi:

Më datë 24.09.2020, rreth orës 13:20, në lagjen "11 Nëntori", Elbasan shtetasja F. Zh., ka patur një konflikt me bashkëshortin e saj, shtetasin Lefter Zhidru, 71 vjeç, i cili në momentin që ka shkuar Policia është futur në banesë dhe ka qëlluar dhe vijon të qëllojë me armë zjarri kallash në drejtim të forcave të Policisë.

Forcat Shqiponja dhe Patrullat e Përgjithshme janë pozicionuar dhe kanë vendosur perimetrin e sigurisë dhe vijojnë t’i bëjnë thirrje këtij shtetasi të dorëzohet, i cili vijon të bëjë rezistencë duke qëlluar vazhdimisht në drejtim të Policisë.

Si pasojë e të shtënave janë plagosur jashtë rrezikut për jetën dy shtetas, L. S., 22 vjeç dhe A. K., 21 vjeç, kalimtarë të rastit, në momentin që ky shtetas ka filluar të qëllonte me armë në drejtim të Policisë.

Në ndihmë të Policisë lokale janë nisur menjëherë forcat e FNSH dhe të RENEA-s, për të bërë neutralizimin dhe kapjen e shtetasit që vijon të qëllojë me armë në drejtim të Policisë.

Shtetasi Lefter Zhidru vijon të qëllojë me armë duke bërë rezistencë edhe pas thirrjeve të pandërprera të Policisë.

Banesa nga e cila po qëllon ky shtetas është e rrethuar dhe Policia ka vendosur një perimetër të gjerë rrethimi, për të parandaluar dëmtimin e kalimtarëve të tjerë të rastit.

Të fundit