Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Një vit nga tërmeti i 21 shtatorit 2019, Veliaj flet për shtëpitë dhe pagesat e padhëna: Duhet dhe një vit tjetër

Politiko 21 Shtator 2020, 08:19
Një vit nga tërmeti i 21 shtatorit 2019, Veliaj flet për

Teksa ndodhemi 1 vit pas tërmetit të 21 shtatorit 2019, kryebashkiaku Erion Veliaj ka folur për shtëpitë dhe pagesat e personave të prekur.

I ftuar në emisionin e mëngjesit ‘’Koha për t’u zgjuar’’, Veliaj është shprehur se shtëpitë individuale dhe pagesat e Rindërtimit mbarojnë brenda vitit 2020, kurse apartamentet duan dhe një vit.

Sipas tij, vonesa vjen pasi 10 ditë i vonon vetëm Prefektura që i shqyrton, më pas dosjet kanë dhe probleme por thekson se 90% e qytetarëve që u prekën nga tërmeti kanë dosje të rregullta.

Më tej ai ka shtuar se vonesat janë bërë edhe si pasojë e ndërrimit të stafit të Komisionit për tërmetin pasi stafi ka qenë i prekur nga COVID dhe është ndërruar tre herë.

BASHKIM HOXHA: Dëmshpërblimi për godinat e tërmetit, kanë dalë dhe listat, por kur shkojnë në bankë nuk i janë derdhur lekët?

ERION VELIAJ: Ajo që ndodh është që Bashkia e Tiranës i kalon me lote. Disa herë mund të mungojë një dosje, akt konstatim. Arsyeja pse bëhet është sepse kemi një mal me gazeta ku akuzojnë njëri- tjetrin. Na duhet çdo dosje e kopsitur. Mënyra si funksionon është se përderisa shpërndan paratë e publikut, atëhere çdo gjë është e kopsitur. Vonesë tjetër është që i vonon 10 ditë në Prefekturë. Ne i çojmë aty, ata më pas kanë këtë afat. Brenda këtyre 10 ditëve paratë nuk shkojnë në postë. Nga 11 mijë aplikime, 6 mijë kanë mbaruar punë, 1 mijë kanë shtëpi të dyta dhe të treta.

Unë jam rritur në SHBA, shteti vjen të sjell një shishe ujë e sanduiç, e të thotë më pas shko te kompania e sigurimit që të të bëjë shtëpinë.

Tjetër problem është se në emër të kujt është shtëpia. Në disa raste ka konflikte familjare, janë nëpër gjyqe, dhe dosjet ngecin. 99% të rasteve dosjet shkojnë fjollë.

Afat përfundimtar është fundi i këtij viti. Ne sot japim në Petrelë shtëpinë e 62-të. Kemi dhënë dhe 3 mijë pagesa, dhe 62 shtëpi. Me shtëpitë individuale dhe pagesat mbarojmë këtë vit, apartamentet do të marrin dhe një vit tjetër.

Komisioni im është ndërruar tre herë, sepse është prekur nga COVID-19. Pra duhet ndërruar i gjithi.

Të fundit