Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Njohja nga Izraeli, Thaçi: Kam folur në telefon me Erdoganin, me Putinin jam takuar personalisht

Politiko 8 Shtator 2020, 07:03
Njohja nga Izraeli, Thaçi: Kam folur në telefon me Erdoganin, me

Presidenti i Kosovës, Hashim Thaçi deklaron se njohja e pavarësisë së Kosovës nga Izraeli, nuk do ta zbehë marrëdhënien me Turqinë.

Duke folur në emisionin Open në Top Channel,  Thaçi tha se për këtë çështje ka biseduar edhe me homologun e tij turk, Recep Tayyip Erdogan.

“Lobi hebre ka qenë mbështetës i lirisë së Kosovës. Na kanë mbështetur , jam dëshmitar i gjallë. Njohja me Izraelin nuk do ta zbeh marrëdhënien me Turqinë. Para dy ditësh kam biseduar me Erdogan. Kosova do të jetë e fokusuar në partneritetin me Turqinë. Njohja nga Izraeli është proces i pakthyeshëm. Turqia ka qenë e para për ta njohur dhe ka bërë lobim të fuqishëm për ne. Vlerësim të lartë për Erdogan dhe për Turqinë” tha Thaçi.

Ndërkohë për sa i përket njohjes nga Rusia, Thaçi u shpreh se ata janë të gatshëm të pranojnë çdo njohje që kalon nëpërmjet SHBA.

“Sa i përket Rusisë edhe Kinës janë çështje që duhet të diskutohen. Unë jam takuar personalisht edhe me Putin. Nuk ka qenë i fshehtë pasi jemi takuar në Paris, në prezencë të Trump dhe Merkel. Kur ndodh njohja reciproke e njeh edhe Rusia. Por Rusia nuk do e njoh pa një marrëveshje me SHBA. Por BE është mirë që po ndodh dialogu. Por nuk vjen njihja nga Serbia nga BE. BE nuk na trajton si vend i pavarur. Na mbajnë pa viza. Orientimi jonë është i qartë” tha presidenti i Kosovës.

Më 4 shtator, Kosova dhe Izraeli janë dakorduar që të vendosin marrëdhënie diplomatike. Kosova ka thënë se shumë shpejt do të hapë ambasadën e saj në Jerusalem.

Të fundit