Flash News

Berisha uron Trump për pavarësinë e SHBA-ve: Kremtim që vjen pas fitores mbi regjimin e Ajatollave

Trafikonin armë nga Kosova drejt Shqipërisë, dy të arrestuar, sekuestrohen 8 pistoleta

Kur nderi ‘vret’ më shumë se dhuna, Lediona Braho për Politiko: Incesti, një problem i heshtur në shoqërinë shqiptare

Vijon zjarri në inceneratorin e Elbasanit, tymi toksik rrezikon shëndetin e qytetarëve

SHBA feston 249-vjetorin e Pavarësisë

KRYESORE

“Nuk bëhet me koka të nxehta”, PS del kundër propozimit të SHBA për ndryshim sistemi: Do shpërbënte Kushtetutën

Politiko 21 Maj 2020, 12:57
“Nuk bëhet me koka të nxehta”, PS del kundër

Deputeti i PS dhe bashkëkryetari i Komisionit të Reformës Zgjedhore, Damian Gjiknuri pasi ftoi opozitën jashtëparlamentare që të rikthehet në tryezën e dialogut për përmbushjen e kësaj reforme, ka komentuar edhe propozimin e SHBA për ndryshimin e sistemit, konkretisht modelin danez.

Sipas Gjiknurit, fillimisht është koha për të përmbushur Kodin Zgjedhor, kurse sistemi sipas tij do të shpërbënte Kushtetutën dhe do të ndryshonte marrëdhëniet mes institucioneve në vend.

“Problemi te zgjedhjet nuk ka qenë sistemi, por mospranimi i humbjes, duke kërkuar mosnjohje zgjedhjesh dhe më vonë ndryshime të ligjit elektoral.

Jo se ligji ka qenë i keq, por se humbësi nuk e pranonte verdiktin e popullit. Ata mallkojnë zakonisht sistemin.

Sistemi nuk është listë dëshirash. Po të hapim lojën e sistemit në mënyrat që themi ne do shpërbëjmë kushtetutën e Shqipërisë sepse me ndryshimet sistemit zgjedhor nuk ndryshohet vetëm mënyra si përkthehet vota në mandatet por edhe raporti i qeverisë me parlamentit, presidentit, organet e drejtësisë me parlamentit, s’mund të zgjidhet kjo tani kur gjysma e elektoratit është në rrugë. Në 2018-ën pati konsensus të gjerë.

Sistemi janë themelet e republikës që nuk bëhet me koka të nxehta, por do paqe e mirëkuptim e nëse ka zgjidhje kompromisi.

Le të bëjmë kodin zgjedhor për t’i dhënë shqiptareve zgjedhje të ndershme tani, çështja e sistemit pse jo le të hapet menjëherë pasi Shqipëria ka detyrime të mëdha karshi BE dhe për themelet e reja të demokracisë, por në fillim të kemi kulturën e pranimit të rezultatit”, tha Gjiknuri.

Ndërkohë, kryeministri Rama u pyet dje në Euronews, ku gazetarja e bëri fakt dhe i tha se ambasadorja amerikane Yuri Kim është shprehur se sistemi zgjedhor danez është një sugjerim që ia ka dërguar Këshillit Politik të reformës Zgjedhore.

Por në përgjigjen e tij Rama tha se nuk di për një propozim të tillë.

“Nuk di të ketë një sugjerim të tillë se nuk është ambasadorja amerikane e përfshirë në një temë të tillë dhe nga ana tjetër kjo nuk është teme e reformës zgejdhore sa më takon mua dhe ne, pasi tema e reformës zgjedhore është e përcaktuar nga Këshilli europian BE një reformë zgjedhore e votuar në parlament mbi bazën e rekomandimeve të OSBE ODIHR, bisedimet për një ndryshim sistemi askush nuk i pengon por e kam thënë kohë më parë që për ne ky është detyrimi. Askush nuk ka detyrimn të bjerë dakord me pahir”, tha Rama.

Sistemi zgjedhor danez: A u propozua nga ambasadorja amerikane? Basha dhe Rama nuk dinë ‘gjë’

 

Të fundit