Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Nuk i dha mbështetje gjatë protestave të dhjetorit, ambasadori i BE-së ‘kujtohet’ për të rinjtë shqiptarë

Politiko 3 Maj 2019, 19:56

Nuk i dha mbështetje gjatë protestave të dhjetorit, ambasadori i

Në kuadër të ‘Javës së Evropës’, ambasadori i BE-së në Tiranë, Luigi Soreca ka kërkuar nga të rinjtë që të çlirojnë fuqinë e tyre dhe të jenë në zemër të integrimit të Shqipërisë në BE.

“Të rinjtë duhet të jenë pjesë e vendimeve që ndikojnë tek ta. Për ne, kjo do të thotë të bëjmë më shumë për t’i përfshirë të rinjtë në procesin e integrimit në Bashkimin Evropian”, thotë ndër të tjera Soreca.

Por kjo thirrje e ambasadorit të BE-së është në kundërshtim me qëndrimin që ai mbajti gjatë protestave të studentëve në dhjetor të 2018-ës. Luigi Soreca qëndroi në heshtje gjatë gjithë procesit, duke mos shprehur asnjëherë mbështetje për të rinjtë shqiptarë.

(Nga arkiva: Protestë edhe me flamujt e BE-së, ambasadori në Tiranë asnjë reagim për studentët)

Reagimi i plotë i ambasadorit të BE

Me 40% të popullsisë më të re se 30 vjeç, Shqipëria është një nga vendet më të reja në Evropë. Të rinjtë janë e ardhmja e vendit - dhe ajo e ardhme është në Bashkimin Evropian. Të rinjtë duhet të jenë pjesë e vendimeve që ndikojnë tek ta. Për ne, kjo do të thotë të bëjmë më shumë për t’i përfshirë të rinjtë në procesin e integrimit në Bashkimin Evropian.

Për të përgatitur Javën e Evropës 2019, ne jemi angazhuar me shkollat, universitetet dhe organizatat rinore për të krijuar hapësira dialogu. Hapësira ku mund të diskutohen prioritetet, ndjenjat rreth Bashkimit Evropian, shpresat dhe shqetësimet e të rinjve. Në vitin 2019, u prezantua një Strategji e re Evropiane për Rininë që të rinjtë të artikulonin prioritetet e tyre dhe të merrnin pjesë në politikë-bërjen e BE-së. Java e Evropës 2019 shënon fillimin e këtij dialogu të strukturuar me BE-në në Shqipëri.

Çdo ditë unë takoj të rinj shqiptarë të cilët janë aktivë, të përkushtuar dhe plot iniciativë. Java e Evropës 2019 është për ata. Ne duhet t’u njohim meritat të rinjve që dalin vullnetarë për të mbështetur njerëzit në nevojë, për të ruajtur natyrën ose, thjesht, që janë të përkushtuar për të ndihmuar komunitetin e tyre. Demokracia lulëzon përmes vullnetarizmit dhe altruizmit.

Gjatë Javës së Evropës 2019, të rinjtë do të jenë në zemër të integrimit të Shqipërisë në BE. Le ta çlirojmë Fuqinë e Rinisë!

Ambasador Luigi Soreca

Shefi i Delegacionit të BE-së në Shqipëri