Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Nuk justifikoi pasurinë, Kolegji i Apelimit ‘rrëzon’ KPK dhe shkarkon Xhezair Zaganjorin

Politiko 26 Korrik 2019, 11:29
Nuk justifikoi pasurinë, Kolegji i Apelimit ‘rrëzon’ KPK

Kolegji i Posaçëm i Apelimit ka shkarkuar nga detyra gjyqtarin, njëherësh kreun e Gjykatës së Lartë Xhezair Zaganjorin.

Ndonëse u konfirmua në detyrë në korrik të 2018 nga Komisioni i Pavarur i Kualifikimit, ishte Komisioneri Publik me rekomandim të Operacionit Ndërkombëtar të Monitorimit, ai që e ankimoi këtë vendim dhe kërkoi shkarkimin nga detyra të Zaganjorit.

Komisioni gjykoi se gjyqtari ka kryer “evazion fiskal”, një vendim i debatuar që u rekomandua për ankimim nga vëzhguesit ndërkombëtarë, si dhe nuk justifikonte me burime të ligjshme pasurinë e tij.

Ishte kryesuesja e trupës gjykuese Albana Shtylla, ajo që lexoi të arsyetuar vendimin e Kolegjit se Zaganjori ka bërë deklarim të pasaktë për 4 pasuritë që zotëron në Tiranë dhe një tjetër në Durrës.

Po ashtu, është konstatuar se gjyqtari ka probleme edhe me mbulimin e shpenzimit sidomos me shkollimin e dy djemve jashtë vendit, njëri në Gjermani dhe tjetri në Mbretërinë e Bashkuar.

Zaganjori, një ish-diplomat u zgjodh anëtar i Gjykatës Kushtetuese në vitin 2003 dhe anëtar i Gjykatës së Lartë në vitin 2013.

Pas shkarkimit të tij, Gjykata e Lartë tashmë mbetet vetëm me një anëtar.

Të fundit