Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Nuk ka 'çarje' Basha-Berisha për 30 qershorin. Analiza e 2 deklaratave për ata që presin përplasjen edipike 'atë-bir'

Politiko 6 Korrik 2019, 13:20
Nuk ka 'çarje' Basha-Berisha për 30 qershorin. Analiza e 2

Në një prononcim për mediat të enjten, pas daljes nga selia e Partisë Demokratike, ish-kryeministri Berisha është shfaqur i pakursyer në kritika për institucionet vendase të administrimit të zgjedhjeve dhe simodos për ndërkombëtarët. Shqiptarët nuk e hanë sapunin për djathë ka thënë lideri historik i demokratëve duke parodizuar, me sa duket, deklaratën e Matheë Palmer, zv/ndihmës Sekretar i Shtetit, se duhet pritur ngritja e Gjykatës Kushtetuese për të ankimuar zgjedhjet e 30 qershorit, një refren që është kapur edhe nga ndërkombëtarë të tjerë.

Ai i ka cilësuar qesharake qëndrime të tilla.

“Këta thonë ta pushkatojmë këtë njëherë pastaj ta çojmë në gjyq.Shqiptarët kanë shumë të meta dhe defekte, por një gjë e kanë, që absolutisht kurrë sapunin për djath nuk e hanë. Ata që u thonë shqiptarëve që të gjykojë Gjykata Kushtetuese pasi është varrosur i dënuari, ata bëjnë një propozim qesharak.” – theksoi Berisha.

Te qëndrimi për Gjykatën Kushteuese, apo më saktë te 'qesharakësia' e propozimit që zgjedhjet e 30 qershorit të ankimohen aty kur të ngrihet ky institucion duket se bashkohen edhe ish-kryetari dhe kryetari aktual i Partisë Demokratike.

Basha në një status në Facebook është ndalur pikërisht te ky paradoks.

“Qëndrimi që le ta uzurpojë pushtetin vendor Edi Rama në mënyrë antikushtetuese dhe të paligjshme, se pas ca muajsh do krijojmë Gjykatën Kushtetuese dhe pastaj gjykon ajo me prapaveprim, bie ndesh me parimet e shtetit të së drejtës dhe me parimet bazë të demokracisë”, shkruante Basha në një status.

Postimi i Bashës u bë të mërkurën, një ditë para se Berisha të deklaronte për gazetarët të njëjtën mosdakordësi me idenë 'prisni Kushtetuesen'.

Ndryshimi me një ditë i deklaratave të liderit historik dhe liderit aktual, nuk do të thotë gjë për atë se kush mund ta ketë hedhur idenë i pari dhe, se kush e ka zgjedhur këtë 'kurs të ri' që do të ndjekë PD. Por, kjo vijë është një sinjal për të gjithë ata që shpresojnë ta rrëzojnë Bashën duke përfituar nga ndonjë 'çarje' eventuale mes tij dhe parardhësit në krye të PD.

Në këtë linjë diversioni u përqendrua kronika e lajmeve edhe pas qëndrimit në FB të Jozefina Topallit, dhe sidomos të një fotoje po atë ditë të zëdhënëses së Berishës, Erla Mëhilli.

Të fundit