Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

Nuk ka më negociata? Basha i rikthehet qeverisë teknike: E vetmja garanci për zgjedhjet; të shtunën shpaloset e ardhmja europiane

Politiko 7 Maj 2017, 11:28
Nuk ka më negociata? Basha i rikthehet qeverisë teknike: E vetmja

Kryetari i PD-së, Lulzim Basha i është rikthyer kërkesës për krijimin e qeverisë teknike një javë pasi e largoi nga fjalimet e tij në çadrën përpara Kryeministrisë. Tërheqja e përkohshme nga kjo kërkesë erdhi si rezultat i negociatave që Basha zhvilloi me kryeministrin Edi Rama, por që nuk prodhuan asnjë marrëveshje. Ndërkohë që rikthimi i qeverisë teknike në ligjërimin e Bashës përkon me situatën ku palët duken shumë larg njëra-tjetrës dhe mundësitë për negociata të tjera janë zbehur.

Për opozitën e udhëhequr nga Basha, krijimi i qeverisë teknike është garancia e vetme për zgjedhje të lira e të ndershme.

“Kërkojmë garanci politike. Ai që shkatërroi shtetin nuk mund të garantojë fatin e zgjedhjeve. Rruga e vetme drejt zgjedhjeve të lira dhe të ndershme është qeveria teknike, e cila do të luftojë problemet e rënda të vendit. Nëse ka diçka që ne mund të ofrojmë dhe të japim, ne do e bëjmë, por për një gjë do të luftojmë deri në fund dhe kjo është garancia totale që çdo qytetar të votojë i lirë, i pa kërcënuar, i pa shitur dhe i pa blerë. Asgjë nuk do të ndryshojë nëse e braktisim këtë premtim. Unë kam besim të madh se tashmë qytetarët janë të ndërgjegjësuar se përse bëhet kjo betejë, edhe pse censura qeveritare për zhvendosur temën e këtij diskutimi jetik, prap se prap këto ditë të qendresës tuaj janë kanë dalë ta shkatërrojnë këtë fasadë”, u shpreh Basha nga çadra.

Kryeopozitari foli edhe për protestën që do të zhvillohet të shtunën e ardhshme, të cilën e konsideroi të një rëndësie historike për vendin. Ai tha se më 14 maj do të shpaloset përpara qytetarëve e ardhmja europiane e Shqipërisë.

“Ju ftoj në bashkimin më të madh popullor, ditën e shtunë, në këtë shesh të lirisë. Ejani të gjithë, të vetëdijshëm për rëndësinë historike të këtij momenti. Të vetëdijshëm për forcën e pathyeshme të bashkimit të qytetarëve. Të qetë dhe paqësor, me vetëdije se fitorja do të vijë jo nga forca e forcës, por nga forca e bashkimit total të shqiptarëve. Bashkë ditën e shtunë në orën 12:00. E ardhmja nuk ndalet dot më. E shtuna shpalos përpara qytetarëve të ardhmen europiane”, theksoi Basha.

Basha sërish kritika mediave: A keni trup? Qytetarë, bojkotoni televizionet dhe gazetat

Të fundit