Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

“Nuk ndalen marksist-leninistët zyrtarë në Tiranë, “21 Dhjetori” fyerja më e madhe ndaj shqiptarëve”

Politiko 4 Janar 2018, 09:39

Ish- kreu i arkivës në ministrinë e Brendshme, Kastriot Dervishi, e ka konsideruar si aspak të drejtë vendosjen e emërtimit të “21 Dhjetori” në mbikalimin e Unazës së Re.

 Në një shkrim në Facebook Dervishi shprehet se 21 dhjetori është ditëlindja e diktatorit sovjetik, Stalini, dhe se një vendim i tillë është një fyerje e madhe ndaj shqiptarëve që vuajtën diktaturën dhe se Stalini ishte antishqiptar.

Statusi i plotë:

Stalini në Tiranë

Nuk ndalen marksist-leninistët zyrtarë në Tiranë. Pasi nuk lënë rast pa na promovuar nga magazina e vjetërsirave enveriste me duart e persekutorëve të komunizmit, yje të kuq, envera, etj, tani në shkelje edhe të ligjit po i sulen edhe emërtesave zyrtare.

Në mbikalimin e unazës së re, sapo kanë vendosur një tabelë treguese “21 dhjetori”, pavarësisht se kjo emërtesë sovjetike është hequr qysh prej vitit 1990, së bashku me shtatoret dhe bustet e një prej kriminelëve më të mëdhenj të njerëzimit, Josif Visarionaviç Stalinit. Dhe shtatoret në atë kohë u hoqën pikërisht më 21 dhjetor 1990 sipas një skenari stalinist, natën e në fshehtësi të madhe.

Një veprim i tillë është një fyerje e madhe edhe për shqiptarët që vuajtën nën diktaturë si edhe për faktin se Stalini ka qenë edhe antishqiptar, por është i dënueshëm edhe në Kodin Penal. Lidhet me veprat penale të falsifikimit, përhapjes e nxitjes së urrejtjes si dhe të shpërdorimit të detyrës nga cilido zyrtar që ka harxhuar paratë e shtetit në këtë mënyrë. Prokuroria ka një rast për të vepruar kryesisht, pasi nuk ekziston asnjë emërtesë zyrtare “21 dhjetori”.

Shënim: 21 dhjetori është ditëlindja e diktatorit sovjetik Stalin (1878-1953), udhëheqës i Partisë Komuniste të Bashkimit Sovjetik në vitet 1924-1953 dhe për disa vite kryeministër i këtij shteti. Në Europën lindore shtatoret dhe emërtesat e tij u hoqën në vitin 1956. Riemërtesat siç po ndodh në Tiranë, nuk janë vërejtur në asnjë shtet dikur në lindjen komuniste.

Të fundit