Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Nuk ndalet zinxhiri i vrasjeve në Ksamil, vritet në atentat babai i një prej ekzekutorëve të Aleksandër Bardhit

Politiko 20 Gusht 2017, 07:54

Një 50-vjeçar ka mbetur i vrarë pas një atentati në Ksamil. Ngjarja e rëndë ndodhi gjatë natës. Burime zyrtare nga policia e Sarandës bënë me dije se Vangjel Çiko, i njohur me pseudonimin Gelo është qëlluar me armë zjarri në prite. Policia ka dhënë versionin e saj zyrtar lidhur me vrasjen që ndodhi gjatë natës në Ksamil, ku gjeti vdekjen një 50-vjeçar. Burime zyrtare bënë me dije se Vangjel Çiko është gjetur i vrarë në automjetin tip “Mercedes Benz” që ishte vendosur në oborrin e shtëpisë së tij. Sakaq, policia ka nisur hetimet për zbardhjen e plotë të rrethanave të ngjarjes, si dhe identifikimin dhe kapjen e autorëve.

NJOFTIMI I POLICISE

Më datë 19.08.2017, rreth orës 23:50, Salla Operative Sarandë ka marrë njoftim se në lagjen “Baxho”, në Ksamil, janë dëgjuar të shtëna me armë zjarri. Policia ka shkuar menjëherë në vendngjarje dhe nga verifikimi paraprak kanë konstatuar se brenda në automjetin tip ”Mercedes Benz”, në oborrin e banesës së tij, është gjendur i vrarë me armë zjarri nga persona të paidentifikuar, shtetasi V.C., 50 vjeç, banues në Ksamil.

Policia ka ngritur menjëherë pika të shumta kontrolli dhe janë angazhuar shërbimet për identifikimin dhe kapjen e autorit. Grupi hetimor po vazhdon kryerjen e hetimeve për zbulimin dhe zbardhjen e plotë të rrethanave të ngjarjes si edhe për kapjen e autorit.

SAGA E HAKMARRJEVE

“BalkanWeb” zbardh të tjera detaje rreth viktimës, i cili ishte babai i Dhimitër Çikos, i cili ndodhet në burg për vrasjen e Aleksander Bardhit, 47-vjeç, i ekzekutuar me 24 shtator 2016 në fshatin Shendelli teksa punonte në arën e vet.

Bardhi, vëllai i Petrit Bardhit, ish-kryeplak i Shëndellisë dhe ish¬administrator i Kaçinarit në Mirditë, dyshohet se u vra nga Albi Xhezairi (i shpallur në kërkim), Dhimitër Çiko dhe Amarildo Lame. Fill pas kësaj vrasje, një sërë ngjarjesh të tjera rrodhën më pas, siç ishte edhe ngjarja e 12 dhjetorit 2016, ku në Ksamil u vra Agron Xhezairi, 53-vjeç, babai i Albi Xhezairit. Atij më parë i ishte bërë atentat me eksploziv. Edhe vrasja e Xhezairit dhe e sotmja e Çikos dyshohet të jenë seri hakmarrjeje për vrasjen e Aleksandër Bardhit.

Mes të tjerash raportohet se viktima më 5 maj 2006 është arrestuar pasi akuzohej për “prodhim dhe shitje te lendeve narkotike” për te cilën u dënua 7 vjet burg. Sakaq, policia ka nisur hetimet për zbardhjen e plotë të rrethanave të ngjarjes, si dhe identifikimin dhe kapjen e autorëve.

Aleksander Bardhi