Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Nuk reagoi në Tiranë, Ramush Haradinaj kundërshton Edi Ramën nga Podujeva dhe paralajmëron Podgoricën

Politiko 28 Shtator 2017, 20:10
Nuk reagoi në Tiranë, Ramush Haradinaj kundërshton Edi Ramën

Kryeministri i Kosovës, Ramush Haradinaj ka ripërsëritur qëndrimin tij të palëkundur për të refuzuar marrëveshjen e demarkacionit me Malin e Zi, e nënshkruar nga qeveria e Isa Mustafës.

Haradinaj ka deklaruar nga Podujeva, ku mori pjesë në një tubim për fushatën e zgjedhjeve lokale, se vija kufitare me Malin e Zi është në Çakorr.

“Nuk ka votë Kosova për këtë version, kjo është e vërtet. Nuk janë dy të tretat për këtë version. S’mund të votohet kështu. Ata që janë në Komision, ata e gjejnë të vërtetën e atë të vërtetë ne ose do ta bëjmë marrëveshje me Malin e Zi, ose nuk ka marrëveshje. Nuk ka marrëveshje të njëanshme për kufi. Marrëveshja është e dyanshme”, ka thënë Haradinaj.

Kjo deklaratë e kryeministrit kosovar bëhet vetëm një ditë pasi kryeministri i Shqipërisë, Edi Rama, i kërkoi që të tërhiqej nga kundërshtimi i marrëveshjes së demarkacionit. Haradianj nuk tha asnjë fjalë në konferencën e përbashkët me Ramën, por ka preferuar të shkojë në Kosovë për t’iu përgjigjur homologut të tij.

Gjithashtu, deklarata e sotme shihet edhe si një paralajmërim për qeverinë e Podgoricës, e cila e konsideron të mbyllur këtë çështje.

Përplasja/ Albin Kurti: Mos u merr me demarkacionin, nuk kemi tokë për të falur. Edi Rama: Unë nuk fal as det, jo më tokë

Vasili në krah të Albin Kurtit: Kryeministri ynë tokën ia ka falur drogës

Të fundit