Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

‘Nuk shkon Ed Rama në Kanada tu thotë do ju fus vëllain në punë’, Majko debat me analistët për votën e emigrantëve

Politiko 23 Qershor 2020, 22:42

‘Nuk shkon Ed Rama në Kanada tu thotë do ju fus vëllain

Vota e emigrantëve në zgjedhjet e ardhshme ka sjellë debat mes ministrit të Shtetit për Diasporën, Pandeli Majko, dhe analistëve Skënder Minxhozi e Arjan Vasjari, në emisionin ‘Real Story’.

Analistët kanë kërkuar të dinë se sa garanci do të ketë vota e tyre, ndërsa ministri Majko është përgjigjur me tone të ashpra se procesi do të nisë që më 2021.

Sa i takon garancisë së votës, Majko tha se nuk ka si të vidhet vota e tyre, pasi nuk mundet kryeministri Edi Rama të shkojë në Kanada apo ku janë emigrantët për t’iu kërkuar votën, duke iu thënë se ‘do iu fus vëllain apo motrën në punë’.

Pjesë nga debati:

Vasjari: Ndahemi me Majkon se përpjekja nuk është vetëm për t’iu garantuar të drejtën e votës, por për t’iu garantuar që e drejta e tyre do iu lexohet qartë. Ne jemi delja e zezë, sepse kemi 30 vjet që nuk krijuam një model të saktë. Është krim që nuk iu është dhënë e drejta e votës atyre, por duhet sjellë në një shtrat konkret. A mund të kenë garanci ata për votën e tyre, se nuk do të manipulohet?

Majko: Kam që më 2017 mor vëlla që shkoj në Parlament dhe i kap e iu them si do të bëhet. Sot ne kemi një opozitë që nuk është në parlament, nuk është në pushtetin lokal, dhe ne duhet të negociojmë.

Minxhozi: Kur mendoni se emigrantët do të mund të votojnë?

Majko: Në zgjedhjet e 2021. Nuk mendoj se efekti i diasporës do të ndjehet në 2021, por do të fillojë në këtë vit. Në një moment mund të votojnë 5 mijë vetë, por në një moment mund të votojnë 200 mijë vetë. Në diasporë ne kemi pjesën më vibrante. Me këtë nivel mental politik, jalla në 2031 të binden palët se diçka mund të ndodhë, atje, diku, dikur, me të drejtën e votës të shtetasve tanë jashtë vendit. Po rritet një brez, që është shumë i lidhur me Shqipërinë, por ka dhe prej tyre që duhet të dimë t’i ofrojmë, se janë shumë më të mençuar nga sa i mendojmë ne. Interesat politike meskine na ka sjellë në këtë situatë kolapsi, se po të kishim një politikë normale, do të kishim opozitën në parlament dhe mund ta garantonim të drejtën e votës së tyre. Ky është një popull i lodhur nga lojërat politike. Si do vidhet vota e emigrantëve, do shkojë Ed Rama në Kanada dhe do iu thotë ‘do iu fus motrën, vëllain, në punë’? Ata socialistë që njoh unë janë me zemër vëlla, vijnë edhe në mes të natës po t’i thërras.