Flash News

Akuzohet për vr*sje për arsye gjakmarrjeje, arrestohet në Angli 48-vjeçari

SPAK kontrolle në bizneset dhe banesat e Ergys Agasit, sekuestron dy automjete

Anëtarë të organizatave kriminale/ Ekstradohen nga Dubai 3 ushtarët e Talo Çelës

Berisha paralajmëron fakte të reja për farsën elektorale: Mos harroni se nuk ka filluar të flasë akoma laptopi

Berisha mbledh nesër drejtuesit politik

KRYESORE

Olta Xhaçka e shkarkoi, flet Shemsi Prençi: Ka patur disa tentativa nga ministrja. S’më kuptonte gjuhën se jam nga veriu

Politiko 27 Qershor 2018, 14:50
Olta Xhaçka e shkarkoi, flet Shemsi Prençi: Ka patur disa

Dy ditë më parë me vendim të ministres së Mbrojtjes, Olta Xhaçka u shkarkua nga detyra kreu i Emergjiencave Civile Shemsi Prençi. Drejtimin e kësaj drejtorie e mori ish-kreu i Policisë së Shtetit Haki Çako.

Çako në studion e lajmeve në News24, tha se ka patur edhe më herët tentativa për t’a zëvendësuar pasi nuk kishte gjetur të njëjtën gjuhë me ministren Olta Xhaçka.

Prençi shprehet se sistemi i Emergjencave Civile ka rënë përtokë që në momentin kur ato kaluan në varësi të Ministrisë së Mbrojtjes, pasi nuk i ka dhënë vëmendjen e duhur.

“Unë ministres ia kam bërë të ditur me memo e raporte të përditshme. E kam informuar gjithmonë. Uroj që memot që kam dërguar të mos ketë patur kohë t’i ketë lexuar, se nëse ka patur kohë e nuk i ka lexuar atëherë është gjëja më e keqe. Sistemi i emergjencave është në Tokë.

Ne në 4 vite bëmë të mundur falë ndihmës së vendeve europiane ngritëm një standart gati europian, por kur kaloi në dorë të ministrisë, sistemi i mbrojtjes civile kaloi në garnizon ushtarak. Në Shqipëri u bë një hap mbrapa, ndërkohë që bota kaloi në Civil Protection ne kaluam në Civil Defence, me ushtrinë. Emergjencat Civile duhet të jenë pjesë e ministrisë së Brendshme, aty vëmendja është më e përqëndruar, kur kaluam në Ministrinë e Mbrojtjes, çdo gjë kaloi në shtabin e përgjithshëm. Janë bërë gabime trashanike, por ne kemi informuar gjithmonë se si duhet të ndodhë” u shpreh Prençi.

Më tej ai shtoi se lirimin nga detyra e ka pritur prej muajsh dhe ironizon duke thënë se ndoshta ministrja nuk e kuptonte se ishte nga veriu.

“E kam pritur lirimin nga detyra, që në janar, madje dhe vetë nuk ndihesha mirë. Tani ndihem mirë, nuk kuptoheshim mirë me Ministren. Ndoshta ngaqë vetëm unë drejtor nga Veriu, e ndoshta s’më kuptonte gjuhën”, tha Prençi në studion e lajmeve të News 24.

Të fundit