Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

OP-ED

Aleatët e Bashës si ‘inglorious bastards’

Politiko 2 Mars 2021, 08:46
Aleatët e Bashës si ‘inglorious bastards’

Alfred Lela

Në krizën e madhe që prodhojnë listat, sa herë ato i bën Basha, ka edhe një krizë të vogël, e cila përsëritet. Ajo e aleatëve të Partisë Demokratike. Kontaktuar nga PolitkOn, shumica syresh nuk e pati të mundur të vinte gishtin në një listë dhe një numër.

Gjendur në qiellin e pasigurt të havasë së përgjithshme, ku Basha i lë zakonisht listat, partneritetet dhe njerëzit, krerët e partive, tradicionalisht satelite dhe besnike të PD, janë të paqartë për vendin në ‘tryezën e fituesve’.

Historia na thotë se ata gjejnë vend dhe nderime në ‘tryezën e humbësve’ të Bashës. Dule, Duka, Ndoka, Mediu, Shehi etj., u bënë dishepujt e tij, sinonim i ‘Inglorious bastards’, që përcillnin Bashën nëpër humnerën ku e hodhi ai opozitën pas 19 shkurtit të para dy viteve.

Shefi i PD nuk kishte kartolinë tjetër vec tyre për normalitetin opozitar apo fasadën e tij.

Tani kur, ashtu si në 2017, Basha e projekton veten triumfues, ai e rrotullon tavolinën e fitores si sofrën në një restorant kinez apo si ruletë kazinoje që ia sjell përherë atij të kuqen. Dule, Shehi, Ndoka, apo dhe të tjerët, nuk janë as të qartë dhe as të sigurt. Shpëtim Idrizi ka marrë me gjasë një apo dy garanci, por pa ‘camët e Dibrës’, ai nuk e ka më nurin e një Mic Sokoli elektoral.

Kësaj pamjeje nuk i mungon asgjë nga e njohura, hiq një dokument i firmosur nga Basha dhe aleatët, kur kryetari demokrat vendosi tërheqjen nga zgjedhjet dhe Kuvendi. Aty ai u garantonte ‘bashkëpelegrinëve të marrëzisë’ vende të sigurta në listat e ardhshme të zgjedhjeve.

Dokumenti nuk gjendet askund. Aleatët thonë se e ka Basha, por ai nuk e tregon dorën në lojë. Do të presë, si përherë deri vonë në mesnatën kur Kodi zgjedhor skadon afatin e dorëzimit të listave.

Aty do të dini më shumë për aleatët, miqtë, armiqtë dhe psikopolitikën e Lulzim Bashës. E zeza apo e kuqja e ruletës rrotullohet para të gjithëve të nesërmen e 25 prillit.   

Të fundit