Flash News

Ndërron jetë në moshën 98-vjeçare, ish-presidenti i Italisë, Giorgio Napolitano

Presidenti i Zululandit vizition New York-un me gruan dhe parukieren

Shoferja me ‘Benz" përplas biçikletën, plagoset një person në Korçë

Përfshihet nga zjarri ish-fabrika e qelqit në Kavajë, rrezikohen edhe disa banesa

E zuri korenti, humb jetën i riu në Tiranë

OP-ED

Berisha dhe Rama: Politikat afatgjata përballë fasadës

Politiko 30 Gusht 2022, 16:04
Berisha dhe Rama: Politikat afatgjata përballë fasadës

Marsel Lela


Ndërsa dimri po aftrohet, një problem i madh për shqiptarët pritet të jetë rritja e mëtejshme e çmimit të energjisë elektrike. Si në çdo luftë të saj, Rusia pritet të përdorë si aleat kundër Perëndimit dimrin dhe energjinë, duke e vënë në vështirësi Europën. Megjithatë, Shqipëria ndodhet në një pozicion jo fort të pafavorshëm sa i përket kësaj situate, duke marrë parasysh se pjesa më e madhe e energjisë prodhohet në vend, për shkak të ndërtimit të një numri HEC-esh. Edhe pse kjo duket se nuk ka ndikuar pozitivisht në xhepat e konsumatorëve shqiptarë, pasi fatura e dritave që është rritur disa herë deri tani, pritet të fryhet edhe më shumë. 

Por, çka që vihet re në këtë situatë është se ‘heronjtë’ në mes të kësaj krize energjetike janë HEC-et e vogla, jopublike, të cilat po prodhojnë energji më shumë se vëllezërit e tyre të mëdhenj shtetërorë. Konkretisht, gjatë gjashtë mujorit të parë të këtij viti, HEC-et private kanë prodhuar 54 për qind të gjithë energjisë së prodhuar në vend, duke i kursyer shtetit rreth 200 milionë euro. 

Historia e ndërtimit të këtyre HEC-eve ka nisur në vitin 2007 si pjesë e zbatimit të strategjisë “Shqipëria superfuqi e vogël rajonale për energjinë e ripërtëritshme”. Prej vitit 2007 deri në vitin 2013 u firmosën kontrata për ndërtimin e 423 HEC-eve të vogla, të mesme dhe të mëdha. Por kjo strategji u kundërshtua me forcë nga opozita e asaj kohe. Edi Rama e quante këtë një tjetër mashtrim të Sali Berishës. Me sa shihet, ky “mashtrim” po i prodhon Shqipërisë një zgjidhje në ditët më të këqija të krizës energjetike me të cilat po përballet Europa. Zgjidhje të cilën e ka për detyrë ta japë qeveria që ka marrë votat e qytetarëve.

Ajo që nisi në harkun kohor prej gjashtë vitesh (2007-2013) si një strategji për të shfrytëzuar resurset e pasura ujore në favor të prodhimit të energjisë vendase, dhe që u prit me kundërshtime të mëdha, sot shohim që ka qenë themeli i një politike afatgjatë që po jep fryte.

Në përballjen e radhës, ku Berisha rikthehet si kryeopozitar, Edi Rama, edhe pse në krye të qeverisë, gjendet sërish politikisht inferior ndaj kundërshtarit. I aftë të prodhojë një fasadë batutash, koncertesh dhe paradash, por jo zgjidhje dhe politika afatgjata, Rama gjendet përballë një Berishe, i cili nuk ka pse të bëjë asgjë tjetër veç të lërë politikat e tij të ‘veprave të mëdha’ që ta luftojnë atë. 

Berisha rikthehet si hamiltonian, një njeri i politikave ekonomike të veprave të mëdha dhe interesit kombëtar, që tashmë i kanë dhënë provat. Përballë tij qëndron një qeveri që në mes të krizës energjetike, të vetmen zgjidhje për qytetarët ka këshillat për të ndenjur sa më gjatë nëpër lokale dhe larjen e rrobave me 30 gradë; çka sjell ndërmend liderin e Venezuelës, Hugo Çavez, i cili i porosiste nënshtetasit e tij të shkonin në banjo me fener.

Të fundit