Flash News

Fitoi zgjedhjet për kryetar të PD, Berisha me fjalët e Baker-it: Jeni të lirë të zgjidhni udhëheqësit tuaj

Posta e mëngjesit/ Me 2 rreshta: Çfarë pati rëndësi dje në botë

Posta e mëngjesit/ Me 2 rreshta: Çfarë pati rëndësi dje në Shqipëri

20-vjeçarja humb kontrollin e makinës në aksin Shkodër-Lezhë, vdes një grua dhe 3 të tjerë të plagosur

Zgjedhjet në PD/ Përfundon procesi i numërimit në disa degë, dalin rezultatet e para

OP-ED

Çfarë thotë për PD-në (e ringritur) emri dhe profili i Genti Çelës

Politiko 25 Prill 2022, 20:10
Çfarë thotë për PD-në (e ringritur) emri dhe profili

Alfred Lela

Një djalosh në fillim të të tridhjetave, Genti Çela, është zgjedhur kryetar i Partisë Demokratike të Pogradecit. Atij i pëlqen letërsia, përkthimet, librat dhe leximet, adhuron Pogradecin qytetin prej të cilit nuk largohet, siç i hanë duart dhe zemra kah angazhimi qytetar dhe publik, duke qenë prej kohësh pjesë e “Fundjavë ndryshe”.

Genti ka arritur të marrë shumicën e votave në një garë jo të lehtë në Pogradec. Sigurisht, të gjitha fitoret kanë një kuptim më vete, dhe kryesisht për fitimtarin, por kjo e Gentit është shenjë e mirë që shkon e flet përtej tij.

Nuk është vetëm i përzgjedhuri, nuk është vetëm fituesi, por janë edh përzgjedhësit. Në këtë rast kemi dy përzgjedhës, si demokratët e Pogradecit që e votuan, ashtu dhe Komisioni i Rithemelimit që e inkurajoi dhe nuk ia preu rrugën.

Ky kryqëzim i disa vullneteve që prijnë kah një punë e denjë dhe drejtë është përnjëmend frymëzues. Si drejtues mediash dua të marr ‘kreditet’ e mia. Që te MAPO, për penën me dritë, edhe pse të ndrojtur, të Gent Çelës ka patur gjithmonë hapësirë. Te Politiko edhe më pak rezerva.

Gent Çela është anti-shenja edhe kundër cinizmit të hapur për idenë e rithemelimit dhe ringritjes së hedhur dhe marrë përsipër nga Sali Berisha. Atij cinizmi që thotë se mosha bën të vetën dhe njëherë më shumë është vërtetë shumë. Kjo përvojë, besoj, e bën Berishën ta shohë në sy nevojën e riformatimit, marrjen në parti dhe aksesin në drejtim të të rinjve, që njihen për ndershmërinë dhe shkojnë me urtinë e tyre përtej barrierave politike e majtë/ e djathtë.

Të mos krijojmë iluzione, Genti Çela nuk është gjithçka i duhet PD, dhe as nuk është dikush apo simboli i një prirjeje që zgjidh diçka, por mbetet një nisje e mirë.

Një hap që, besoj, i thotë diçka edhe mikut tim, ipeshkvit të Rrëshenit, Monsinjor Gjergj Meta, i cili ka qenë një prej mbështetësve të hershëm të Gentit.

Në fund, Gentit i uroj të ruajë veten, por edhe të mësohet se jo çdo synim i mirë arrihet vetëm, dhe vetëm me njerëz të drejtë.

Të fundit