Flash News
Tragjikomedia e AADF me Butrintin: Një i panjohur do të drejtojë bordin shkencor të fondacionit
Lejuan 37 ndërtime të paligjshme, dënohen dy kryeinspektorë dhe inspektorë të IMT në Bashkinë e Lushnjes
Posta e mëngjesit/ Me 2 rreshta: Çfarë pati rëndësi dje në Shqipëri
Makina përplas për vdekje këmbësorin në Fier, shoqërohet shoferi 20-vjeçar
Miratohet raporti, Kosova një hap më afër anëtarësimit në Këshillin e Evropës
Alfred Lela
Kryeministri dhe ministri i Brendshëm shkuan deri ‘përtej urës së Qabesë’ për të riatdhesuar një grup fëmijësh dhe grash të mbetur në Siri, në tokën e askujt, në territore aq të pasigurta, sa nuk i përkasin më as ISIS, një shteti hipotetik islamik.
Nëse shteti shqiptar duhet përgëzuar për misionin e shpëtimit duhen theksuar edhe teprimet e tij.
Çfarë flet për shëndetin e shoqërisë dhe forcën e shtetit tonë fakti që prindër me fëmijë të vegjël braktisin atdheun për t’iu bashkuar një xhihadi në Lindjen e Mesme?
Në këtë rast kryeministri dhe ministri, apo dhe shpura gazetareske që i përcollën dhe i transmetuan, duhet të kishin qenë më të përunjur.
Triumfalizmi ishte i pavend edhe pse te ai lexohej nevoja për të nxjerrë kredite politike.
Gjithaq e dëmshme ishte edhe shkelja e kodeve etike dhe njerëzore. Parada që iu bë fëmijëve duke i ekspozuar me fytyrë, emër dhe mbiemër, ishte e pashoqe. Pak ditë pasi entuziazmi i kthimit të tyre të fashitet, si do të reagojnë bashkëmoshatarët e tyre në shkollë dhe bashkëfshatarët në rrugë?
Kush vë bast se ata nuk do të quhen ‘terroristë’, ‘xhihadistë’, apo edhe ‘kopilë’.
Ata ishin qartësisht të traumatizuar, dhe përdorimi i tyre nga kolegët gazetarë si mish për scoop nuk është etik. Siç nuk po bënin as scoop, sepse i tillë është vetëm çka zbulon vetë gazetari dhe jo çfarë të jep, ‘qofte te daja’, qeveria.
Në fund, pasi i mori dhe i shoqëroi me tam tame, çfarë do të bëjë shteti për ata fëmijë dhe gra. Do t’i hedhë sërish në fshatrat e Pogradecit dhe Librazhdit, ku do të riciklohen si material i gatshëm për xhihadin e radhës apo ka një plan rehabilitimi për ta?