Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

OP-ED

Nuk kemi sistem dhe as njerëz

Politiko 16 Shkurt 2021, 14:38
Nuk kemi sistem dhe as njerëz

Alfred Lela

Një e njohura ime më shkruante se kishte mbetur e bllokuar për 17 orë në autobusin  e linjës Tiranë-Shkodër, diku përtej Laçit. Prokuroria ka arrestuar një mjek të cilit i janë gjetur 250 mijë euro në zyrë. Kosova ka shpallur rezultatin e zgjedhjev një ditë pas mbajtjes së tyre. Humbësit kanë pranuar rezultatin dhe Albin Kurti, një prurje e re me fillime të vjetra në politikën kosovare do të jetë kryeministrit i vendit.

Të gjitha këto episode apo ngjarje, secila me peshën e vet, përplasen me njëra-tjetrën për të prodhuar një krizë apo për të përforcuar një perceptim që ne kemi për vendin tonë. Të cilin e kemi parë të gjunjëzuar, si me rastin e tërmetit të fuqishëm të para një viti, si me shirat që ende e kanë nën ujë Shkodrën prej një muaji, si me pak centimetra borë që e mbërthyen në kaos sistemin rrugor.

Sigurisht, nuk është rasti për të kënduar të zez-kang-qyqen e opozitës apo të kijametistëve, për të cilët çdo gjë shkon keq në këtë vend, por për të thënë diçka për ngjarjet. Për t’i vënë një emër pazotësisë apo shpërfilljes; e cilitdo qoftë ajo. E njeriut apo sistemit.

Kryministrit i pëlqen të përsërisë se nuk është faji i njerëzve, por i sistemit. Por, kaq shumë herë, ne ndeshemi me dështimet e njeriut jashtë sistemit, dhe të sistemit pavarësisht njeriut. Është e pamundur ta ndash njeriun nga sistemi në një vend si ky i yni, ku sistemet prodhohen për të nënshtruar njerëzit dhe për t’i manipuluar ata, ashtu siç edhe njerëzit vetë përkujdesen që vetëm sisteme të tilla, ku vrimat dhe shtigjet e dhive në to janë më të rëndësishme se korpusi qendror, të ngrihen dhe të funksionojnë.

Si kur na duhet një muaj për të shpallur rezultatin e zgjedhjeve në të cilat mori pjesë vetëm një parti, ashtu dhe kur gjysma e Shqipërisë bllokohet nën pak centimetra borë, apo kur një mjeku i duhet të fshihet dhe të fshehë nga sistemi 250 mijë euro dhe të dënohet për to, janë njerëzit, individi, që e pësojnë dhe dekurajohen. Sistemi jo, ai vazhdon.

Vazhdon, jo se është një dizajnim hyjnor, por se njerëzit e sistemit e mbajnë në këmbë përkundër njerëzve jashtë tij. Dhe ky është problemi.

Ndërkohë që sistemi është vetëm një, njerëzit janë të ndarë në dy pjesë.

Të fundit