Flash News

Shqyrtohet sot në Gjykatën e Lartë rekursi i Veliajt

Sot seanca në Gjykatën e Fierit, Salianji kërkon lirimin me kusht

Taksia përplaset me kamionin në aksin Lezhë-Shkodër, drejtuesi niset në gjendje të rëndë te Trauma

Të paktën 91 të vdekur nga përmbytjet në Teksas

Gjendet një trup i dekompozuar në Kolonjë, dyshimet e para

OP-ED

Pse dhe si ‘shteti i Ramës’ e vazhdon dhunën ndaj Berishës dhe opozitës?

Politiko 7 Dhjetor 2022, 10:42
Pse dhe si ‘shteti i Ramës’ e vazhdon dhunën ndaj

Alfred Lela

Pas sulmit publik dje në mesditë kundër shefit të opozitës, reagimet kanë qenë të panumërta. Në njëfarë mase, kjo dëshmoi se sensi i drejtësisë dhe i ndarjes së të mirës nga e keqja nuk ka humbur. Por, ka njerëz që ngulmojnë te e keqja, pavarësëisht çdo gjëje sepse, me sa duket, nuk u del e keqja.

Kështu, Kryeministri, pasi dënonte sulmin e ekspozonte po vetë hipokrizinë e dënimit duke e etiketuar shefin e opozitës si “organizatorin e protestës”. Pak orë më vonë edhe Policia e tij politike, e cilësonte Sali Berishën si ‘deputeti’.

Pra, kemi një Kryeministër shteti dhe një Polici shteti të cilët, edhe në momente dhune politike e publike, kur kokat e ftohta duhet të shohin dhe të prijnë drejt çshpërkallëzimit të situates, zgjedhin të qëllojnë nga bunkeri i nxehtë dhe i ngushtë i pozicionit politik.

Në kortezinë dhe protokollin politik, personaliteteve u drejtohesh me titullin më të lartë që ata kanë mbajtur. Berisha ruan në spaletat e tij shtetërore dy të tillë: President dhe Kryeministër. Edhe nëse, siç duket e qartë përpjekja, Rama dhe Policia e tij duan të mos artikulojnë titullin kryetari i opozitës për Sali Berishën, ata, në ruajtje të protokollit dhe të kortezisë, duhet të thonë: ish-Kryeministri apo ish-Presidenti.

Aryeja pse nuk e bëjnë këtë është e qartë: ata janë të gëzuar se është goditur dhe dhunuar publikisht kundërshtari i tyre politik. Kanë qenë në gëzim të tillë edhe kur janë goditur personazhe publike pa sinjifikancën shtetërore të Berishës, aktivistë, politikanë apo gazetarë. Kështuqë, kjo mosfshehje gëzimi flet shumë për konstruktin e tyre psikik. Në gjirizin e së keqes u banon shpirti.

Në një argument të dytë, duhet theksuar se dhuna nda Sali Berishës është sistemike, pra është e sistemit dhe konstruktohet me forcë dhe durim, bash si kullat e betonit kudo nëpër Tiranë. Edi Rama e ushtron këtë dhunë në Kuvend sistematikisht, sa herë i jepet rasti, shkurt apo në tirada të gjata 70 minutëshe. Ai e ushtron nëpërmjet dorës së tij mekanike në krye të Kuvendit, Lindita Nikollës kur, sipas dëshirës dhe nëpërmjet diversionit, i cakton Berishës dhe grupit të tij 2 minuta, ndërsa të emëruarve të vet në opozitë 30 minuta. Ai e ushtron dhunën sistemike dhe sistematike në mbajtjen peng, nëpërmjet gjykatave të trysnuara, të vulës dhe emblemës të Partisë Demokratike. Ai e vazhdon me këmbënguljen ne një derri të kënaqun sulmin dhe dhunën nëpërmjet shpërfilljes se rezolutave, projektligjeve dhe amendamenteve që opozita paraqet në Kuvend.

Por, vini, re: këtë dhunë ndaj opozitës, duke mbjellë më pas në shoqëri, e ushtrojnë edhë ata që, gjithë këto rezoluta, projektligje dhe amendamente të Berishës dhe opozitës, bëjnë sikur nuk i shohin dhe i kërkojnë llogari Berishës sa herë ka protesta. Po ti, pse nuk e bën luftën në institucione? Parlamenti është vendi i opozitës, jo rruga… e bla bla bla të tjera daneze në republikën e tyre të bananes që është bërë King nëpërmjes tonelatave të drogës që hyjnë në portin e Durrësit, e me të cilat do të ndërtohet po aty marina e re për t’i riqarkulluar të njëjtat para narko-trafiku.

Dhuna dhe provokimi vazhdon nga Policia edhe sot, kur i shpërndahet gazetarëve lajmi se ka një thirrje për dëshmi të Sali Berishës. Dëshira e ngulmët për ta deheroizuar kundërshtarin politik, pas panikut që u ngjalli heroizimi i tij dje, është një gjellë që mban era Sigurim i Shtetit.

Në atë kuzhinë janë rritur dhe prej saj kanë dalë, kështuqë nuk mund të mbajnë erë tjetër!

Të fundit