Flash News

Eni Vasili zgjidhet Drejtoreshë e Përgjitshme e RTSH

Përplasen dy makina në tunelin e Kalimashit, tre të plagosur

Vodhi 11 200 euro aksesorë, arrestohet hajduti 'serial' i syzeve në Tiranë

Ushtroi dhunë dhe kanosi me armë bashkëshorten, arrestohet 40-vjeçari në Kamëz

Tiranë/ I riu dhunohet brutalisht dhe merret peng

OP-ED

Pse dy Kuvendet nuk bashkuan, por theksuan ndarjet dhe problemet e kombit shqiptar

Politiko 28 Nëntor 2022, 16:50
Pse dy Kuvendet nuk bashkuan, por theksuan ndarjet dhe problemet e kombit

Alfred Lela

Edi Rama e siguroi skenografinë e bashkimit të dielën në Kuvendin e Shqipërisë, por në të njëjtën kohë nxori në pah gropat e mëdha të “unitetit”, disa prej të cilave, jo të gjitha sigurisht, janë edhe punë të tij.

Në kënaqësinë e ligë që i jep diversoni ndaj kundërshtarit, KM harroi se uniteti, më së pari, sigurohet përmes të kundërtave dhe vetëm duke respektuar të kundërtat, pra atë që përbën rregull, mund të realizohet edhe uniteti, pra përjashtimi. Në Kuvendin, me gjasë gjithëkombëtar të së dielës, kur folën përfaqësuesit e grupeve parlamentare, në emër të opozitës, pra Partisë Demokratike, u ngjit në podium Enkelejd Alibeaj. Në dy rrafshet, si politik ashtu edhe juridik, z. Aliebaj nuk e përfaqëson forcën më të madhe të opozitës. Sa i takon juridikes, ai është në gjyq me ‘palën tjetër’, dhe sa i takon politikes, ai është mundur nga ‘pala tjetër’ në zgjedhjet e 6 marsit të këtij viti. Pra si pakicë është jopërfaqësues dhe si I tillë edhe jolegjitim.

Edhe vetë Alibeaj, i cili nuk është folës i keq publik, mezi ‘e nxori’ fjalimin e 27 nëntorit, sikur pavetëdija t’i thoshte se ajo që po bënte ishte një teprim për hatër të Ramës dhe jo një meritë.

Së dyti, z. Rama bëri një atentat kundër vetes, sa i takon asaj që njihet si paradigma e politikës së drejtë dhe të barazpeshuar, ndarja e pushteteve. Edhe pse e rrafshit simbolik, thirrja e seancës së posaçme me dy kuvende, duke përfshirë qeveritë e dala prej shumicave parlamentare, por jo presidentët, ishte një shenjë tjetër se KM e konsideron parlamentin, ashtu siç dyshohet, si një vjegë të qeverisë.

Presidentët dhe ish –presidentët e Shqipërisë dhe Kosovës do t’i bënin nder një ‘bashkimi’ të tillë për 110 vjetorin e Pavarësisë, dhe do t’i hiqnin thonjëzat unitetit. Rama, ngaqë nuk i duron disa prej ish-presidentëve, disa thonë edhe atë aktual të Kosovës, Vjosa Osmanin, e festoi me Albin Kurtin 110 vjetorin e Pavarësisë.  

Së treti, Rama, një dishepull i cancel culture që vjen nga e majta ekstreme amerikane, e retushoi historinë e Pavarësisë, të pluralizmit dhe të integrimit europian, në një ditë simbolika e të cilës duhet të fliste për unitetin dhe pajtimin. Në stendat e ekspozuara në oborrin e Kuvendit opozita dmth Partia Demokratike dhe eksponentët e saj, si Sali Beisha, Jozefina Topalli e të tjerë, ishin zhdukur nga kalendari i ngjarjeve. Në stendën e integrimit figuronin parlamentarë dhe ministra socialistë apo dinjitarë europianë, por askush nga opozita e sotme dhe qeveria e djeshme. Të kutjojmë edhe njëherë, përkundër çdo cancel culture, se Qeveria Berisha e viteve 2005-2013 vendosi gurët themeltarë në procesin e integrimit europian të Shqipërisë: nënshkrimin e MSA, anëtarësimin në NATO dhe liberalizimin e vizave.

Sa keq që, kryeministri aktual dhe i përkohshëm shqiptar, nuk e kupton se në punët e kombit aktualiteti është i përkohshëm dhe diversionet edhe më shumë të tilla. Për dikë që e citon kaq shumë Faik Konicën, me sa duket, më shumë se stilin i ka huazuar tekat. Edhe Faik beu, kur Esat Pasha përplasej me Qeverinë e Përkohshme të Vlorës dh shefin e e saj Ismail Qemali, mbante pa kursim anën e Toptanit. Edi Rama ishte të dielën një përsëritje e Esat pashës në punët e Shqipërisë.

Të fundit