Flash News

Aksioni në Theth, banori mes lotësh: Kam ndërtuar në tokën time me shpenzimet e jetës, shteti të mos i prishë

Drejtorët në shënjestër! Pas Fierit dhe Durrësit, Rama mbërrin në Elbasan

Emri/ Identifikohet 23-vjeçari që u gjet i pajetë pranë liqenit të Shkopetit

Aksioni i IKM-së në Theth, banorët dalin në protestë

U denoncua i zhdukur nga i ati, 23-vjeçari gjendet i pajetë pranë liqenit të Shkopetit

OP-ED

Vizita e Erdoganit: telenovelë turke, edhe për ata që nuk i shohin

Politiko 18 Janar 2022, 09:41
Vizita e Erdoganit: telenovelë turke, edhe për ata që nuk i

Alfred Lela

Shfaqja e presidentit turk dje në Tiranë ishte një rifreskim kujtese:

Së pari, u dha rastin atyre që nuk e parapëlqejnë Ertrugulin apo Sulejmanin e Madhërishëm, të shohin një episod të gjatë disaorësh telenevole turke.

Së dyti, na tha dashuria e vëllait të madh turk kalon mbi qafën e hollë të kundërshtarëvetë tij politikë, gylenistëve që ‘fshihen’ në Shqipëri.

Së treti, se marrdhënia e Shqipërisë me Turqinë nuk i shpëton dot përmasës fetare. Erdogani u shfaq dhe foli si ‘papa i islamit’. Në fjalimet e tij dallohej më shumë minareja dhe gjysmëhëna se gjuha politike e një shtetari laik.

Sigurisht, në çdo marrdhënie, si vend i vogël, duhet të durojmë. Askush nuk vjen për të na dhënë gjë pa marrë diçka. Askush nuk kalon këtej rastësisht.

Erdogani, mysafir i shpeshtë i këtyre anëve, aq më pak. Ai sjell me vete edhe rëndesat e historisë. Apo ngarkesat e fesë.

Duket se nuk na e ‘bën qokën’ si lideri i shtetit laik turk, por si sulltani i një ish-perandorie që kërkon të ringrihet, nga Shqipëria deri në Siri.

Por, sikur asgjë tjetër, ai na e bëri një shërbim sot. I kujtoi Shqipërisë së Facebook-ut se heroi ynë kombëtar Gjergj Kastrioti, më 17 janar, ka përvjetorin e vdekjes.

Në fund, duhet të jemi kritikë, por edhe mirënjohës. Disa qindra familje shqiptare janë sot me strehë prej ndihmës së tij. Pyetja që duhet të vazhdojmë të bëjmë është: me çfarë çmimi dhe, kush e paguan?

Të fundit