Ai nuk e dinte se do fitojë Bjondi, por e dinte se është në të drejtë…

Nga Hysni Gurra

Ai nuk e dinte se do fitojë Bjondi, por e dinte se është në të drejtë…

Katër vite më parë, në maj të 2021, Sali Berisha, pas 8 vitesh pa asnjë pushtet në dorë, shpallet non grata pa asnjë provë apo fakt.

Fermani ishte një rrufe në qiell të hapur. Shumë njerëz, të ndershëm e të sinqertë u shokuan, shumë të tjerë, sidomos hysmeqarët e pushtetit u ngazëllyen.

Ishte një moment që të mirën nga e keqja, të drejtën nga e shtrembëra i ndante vetëm një grimcë karakter.

Të parit që i mungoi, ose që nuk e pati kurrë këtë grimcë karakteri ishte Lulzim Basha, atëkohë kryetar i Partisë Demokratike. Me një vendim personal, që siç tregoi koha, Luli lexoi një letër që ia kishin shkruar lobuesit e non gratës, lexoi përjashtimin e Berishës nga partia.

Sali Berisha doli, thuajse vetëm, në një konferencë për mediat dhe deklaroi se do të qëndronte edhe i vetëm përballë padrejtësisë e cila sapo kishte marrë udhë ndaj tij.

E braktisën njerëz të cilët statusin njeri më shumë e morën prej tij sesa prej të qënit biologjikisht të tillë.

Deputetët, ish-bashkëpunëtorët ndër vite. Media filloi sulmet. Kundërshtari u investua fuqishëm të vuloste përfundimisht nxjerrjen nga politika, i morën simbolet e partisë dhe siç do vinte më vonë deri burgosjen.

Por, atë nuk e braktisën njerëzit e zakonshëm, ata të cilët kishin përfituar më pak prejt tij, krahasuar me deputetë e bashkëpunëtorë dhe këtë e treguan “Foltoret”.

Demostrimi i një ushtrimi të tillë politik nuk është parë kund në këtë kontinent më parë.

Demokratët e thjeshtë e ndien se ndaj tij ishte ngritur një kurth.

Ashti siç ndodh gjithmonë, të sinqertët e gjejnë kollaj rrugën për tek e drejta. Hileqarët humbasin nëpër labirinthet e ligësive të tyre.

Sali Berisha u përjashtua nga parti, por ai rezistoi, nuk u dorëzua.

Sali Berishës iu mohua hyrja në zgjedhje me simbolet e partisë që kishte themeluar, por ai rezistoi.

Sali Berisha u burgos, por ai rezistoi për më shumë se 300 ditë, rezistencë e padëgjuar kurrë më parë në asnjë vend.

Madje e ktheu rrugën poshtë ballkonit të tij në vend “peligrinazhi” politik dhe ballkonin e banesës së tij në një Agora të ligjërimit politik për liri e demokraci.

Sali Berisha është njeri me intelekt të rrallë, njeri që ka lexuar e lexon në mënyrë të pashembullt, por ai nuk është profet.

Ai nuk e dinte që Donald Trump do rikthehej një ditë në Shtëpinë e Bardhë.

Rezistencën e tij Berisha e nisi vetëm duke besuar në të drejtën e tij.

Kthehuni pak në kohë, vendosini gjërat në kontekst, kuj i shkonte mendja se Trump do rikthehej.

Kujt i shkonte mendja se sot Sorosit do i binte maska e do dilnin sheshit gjithë marifetet që kishte kurdisur ai??? Askujt. As edhe më optimistit.

Sali Berisha e dinte më mirë se çdo njeri përballë kujt kishte nisur rezistrncën në 2021.

E dinte më mirë se kushdo çfarë fuqie ekonomike dhe pushteti politik kishte njeriu që qëndronte pas gjithë kësaj, George Soros.

Por, ai po ashtu e dinte se e vërteta është e më e fortë se çdo pushtet ekonomik e politik, ndaj rezistoi, sepse besoi.

Sa e fuqishme është e drejta dhe sa i fortë njeriu që beson në Zot dhe të drejtën!!!

Ai e demostroi këtë për çdo ditë, për katër vite rresht.

Sa shumë gjëra kanë ndryshuar nga maji 2021! Sa mësime janë nxjerrë nga njerëz me mend në kokë!

Ardhja e strategut të Trump, që ka tërbuar kreun e organizatës dhe larot e banaqeve televizive, për të udhëhequr fushatën e Sali Berishës për zgjedhjet e 11-Majit është vetëm pasoja…po ata s’kanë si ta kuptojnë se nuk kanë besuar kurrë në produktin e të qëndruarit në të drejtë, po ata as nuk e paskan ditur që produktiviteti i hiles bëhet shumë shpjet pluhur, siç u bë.