Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

OPINEWS

Artan Fuga i përgjigjet Ramës: RTSH është në krizë prej vitesh, por askush s’guxoi ta thoshte

Politiko 17 Janar 2026, 10:15

Artan Fuga i përgjigjet Ramës: RTSH është në krizë

Akademiku dhe profesori Artan Fuga ka reaguar në rrjetet sociale pas deklaratës së kryeministrit Edi Rama, i cili një ditë më parë e cilësoi Radiotelevizionin Shqiptar si një dështim.

Përmes një postimi në Facebook, Fuga shpreh habinë se pse ky konstatim vjen vetëm tani nga ekzekutivi, duke theksuar se prej vitesh ekzistojnë studime dhe analiza që kanë denoncuar gjendjen problematike të televizionit publik, por që sipas tij janë injoruar sistematikisht nga politika.

Reagimi i Fugës shoqërohet edhe me kritika ndaj klasës politike, si dhe ligjit që sipas tij mban peng RTSH-në.

Reagimi:

Radiotelevizioni publik, RTSH?
Dështim?
Po pse tani e konstatoi ekzekutivi që qeveris?
Po ka studime në vite të tëra që tregojnë se çfarë thesi i cpuar ka qenë dhe është!
Po kush i dëgjon?
Po të dojë qeveria ja çoj unë, kam disa kopje!
Madje unë përfundimet e tyre i lektoroj nga mëngjesi në darkë!
Po se mos vetëm unë! Edhe kolegët e mi.
Të merr tmerri të shkosh në një emision aktualiteti se sytë e gazetarit të thonë: Aman mos e thuaj atë që mendon se më more në qafë!
Këtë shkruaja përpara një jave.
Nuk është puna se kryeministri nuk e sheh atë, puna është se për të konstatuar se çfarë nuk funksionon, jo vetëm aty, nuk guxon njeri të flasë po nuk foli ai! Të mbysin servilët, propagandistët, debilët po të thuash një fjalë!
Rtsh është në krizë dhe fajin për këtë s'e kanë gazetarët, as drejtoresha e re, as të vjetrit, e ka ligji që mban në fuqi klasa politike prej dyzet vjetësh, kjo qeveri prej 15 vjetësh!
Një televizion publik duhet edhe shumë madje. Tani duan t'ja hedhin qenve në rrugë!
Por jo të ushqehet qyl dhe ne si audiencë të bëhemi audienca me polic, se ndryshe na fusin në burg, na presin dritat, se s'kemi paguar taksën e televizorit.
Politikë hipokrite! E do televizonin publik edhe të varur, të lidhur, të shtypur, por edhe të pavarur, hahahaha,
e do edhe me këshill drejtues të pavarur hahahaha, por edhe të varur nga partia e shumicës në Parlament, pra nga qeveria.
E do edhe funksional, por edhe paratë tona ja japin sipas qejfit, pavarësisht pëlqimit të audiencave.
Këto e kanë bërë RTSH si person skizofrenik, në darën e të kundërtave, që e kanë çmendur krejt!
Me raporte rrenash në Kuvend.
Puna është se këtë që pohon kryeministri sot s'ka pasur këllqe ta denoncojë as opozita që vërtitet nëpër komisione sikur janë zëvendëministra!
Si ministria e jashtme? Po, sigurisht, edhe ajo, ka ambasada shqiptare në Perëndim që shfaqin urrejtje edhe ndaj qytetarëve" shqiptarë, urrejnë intelektualët shqiptarë, lëre të kenë ndonjë ndikim në opinionin publik atje.
Me mediokër mbushur, me kokrra ata që nuk janë atje për qoka të politikanëve!