Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

OPINEWS

"Bela, s'mund të bësh viktimën dhe të fshihesh pas të qenit grua në paudhësi e sipër…"

Politiko 4 Dhjetor 2024, 20:10

"Bela, s'mund të bësh viktimën dhe të fshihesh pas

Nga Hysni Gurra

Bela, që ti dhe shoqet tua jeni bërë “bella” që kur keni filluar të paguheni nga taksat e shqiptarëve, këtë s’ka nevojë ta thotë Berisha, e shohin të gjithë…
Ditën e djeshme, pas një viti mungesë për shkak të arrestit politik, lideri i opozitës, Sali Berisha, shkoi në parlament, ditë që përkoi me diskutimin e buxhetit të vitit të ardhshëm.
Pasi mazhoranca rrezoi amendamentet e propozuara nga Berisha dhe PD për minimumin jetik dhe rritjen e pensioneve, kryedemokrati në dalje nga seanca pati një prononcim për mediat, ku në mënyrë simbolike, për të ilustruar shpërdorimin e parasë publike nga mazhoranca deklaroi se brenda sallës kutërbonte era e parfumeve të shtrenjta.
‘Këta janë njerëz që nuk dëgjojnë as zërin e Zotit, as të xhamisë, as të kishës, as të teqesë, të njeriut…. Janë verbuar nga luksi.
Këta janë një grup bixhozxhinjsh që lënë shuma përrallore në kazino dhe mejhane dhe nuk duan t’ia dinë për pensionet.
Unë shkoj aty në platformë, mezi qëndroj nga aromat, nga gërshetimi i aromave të parfumeve më të kushtueshme.
Aty bëhet një paradë luksi, bizhush, parfumesh sikur je në një sallon mode dhe jo në një parlament përfaqësues të qytetarëve', tha Berisha gjatë fjalës me gazetarët.
Pra siç shihet nga fjala e Berishës nuk përmendet fare emri i Belindës, as i zonjave të tjera të rilindjes, shoqeve e shokëve të saj.
Komenti i Berishës ka në thelb krahasimin e jetës që bëjnë pushtetarët, që paguhen me taksat e shqiptarëve dhe jetës që bëjnë pensionistët apo familjet e varfëra shqiptare.
Mirëpo këto deklarata të Berishës kanë bërë që zëvendësja e Edi Ramës, Belinda Balluku, të vetëidetifikohet si njëra nga shumë shpërdorueset e parave të buxhetit të shtetit për qejfe.
Në një koment të bërë një ditë pas miratimit të buxhetit 2025, Balluku është përpjekur të viktimizohet se Berisha paska bërë komente seksiste.
Një gënjeshtër që nuk është e denjë për një grua, një viktimizim që nuk është i denjë për numrin 2 të ekzekutivit, për shkakun e vetëm se është edhe kuotë gjinore, se aq janë gratë në politikë për Ramën, kuota, propagandë.
Belinda thotë se u bënë komente seksiste ndaj saj dhe shokëve e shoqeve të Rilindjes, bile mbrohet, në krahë të Taulant Ballës, që shquhet për luks të tepëruar, duke thënë se, mua nuk më pengon ndryshimi i pamjes (nënkupto ndërhyrjet kirurgjikale) që të vesh edhe çizmet për të inspektuar punët në kantiere, tha Bela.
Gjatë kohës që fliste Bela në një konferencë për “Dhunën me bazë gjinore”, nëpër të gjitha mediat e botës po qarkullonte lajmi se presidentin e Koresë së Jugut e mori në qafë bashkëshortja vetëm pse pranoi një dhuratë, çantë Dior, në vlerën 2200 dollarë nga një pastor, dhe ndaj tij kanë nisur proceduart e shkarkimit nga parlamenti i vendit aziatik.
Pra, zonja Belinda, të jesh numri dy i ekzekutivit, është sa privilegj, po aq edhe një kufizim i madh për një grua, apo burrë.
Ti nuk mund të shpërdorosh paratë e taksave për parfume të shtrenjta,
Ti nuk mund të përdorësh makinën e punës për të bërë pazar për shtëpinë tënde për shembull.
Ti nuk mund të pranosh dhurata që tejkalojnë një vlerë të përcaktuar me ligj nga askush.
Ti mund të bësh palestër sa të duash po pate nge, por nuk mund të bësh operacione plastike, fjala vjen, pa i deklaruar ato…, pra, këto kufizime janë haraçi që duhet të paguash kur mban një detyrë publike.
Po të jesh në fushën e biznesit bëj çfarë të duash, e dashur Bela, dhe po të përmendi kush atje çfarë bën, atëherë ky është sulm i pastër seksist, por jo në detyrën që mban.
Nuk mund të bësh viktimën dhe të fshihesh pas të qenit grua në paudhësi e sipër…
Hajduti është hajdut, qoftë burrë, qoftë grua.
Dhunën me bazë gjinore në republikën tonë më së shumti e ushtron shefi jot, Edi Rama.
Por është fakt që ti dhe gjithë shoqet e tua të rilindjes kur keni hyrë në politikë, nuk ia kish ënda kujt të ndizte televizionin t’ju shihte, ndërsa sot jeni hijeshuar goxha.
Tani, përveç rastit të bashkëshortes së presidentit të Koresë së Jugut, ky SPAK-u juaj po gjëmon Monika Kryemadhin, po i numëron fijet e flokut dhe e akuzon se ka bërë ndërhyrje estetike…ndërsa ju nuk ju pyet Altin Dumani, si ka mundësi u bëtë kaq të “hijshme” ju pasi erdhët në pushtet???
Bela, nuk ka nevojë ta thotë Sali Berisha se ju jetoni në luks, se jeni bërë “bella” që kur keni filluar të paguheni nga taksat e shqiptarëve, këtë e shohin gjithë, e shohin vajzat e reja, mesogratë, pensionistet, gratë që punojnë nëpër fasoneri, në ara…e kudo, dukeni ashiqare.