Satira e Gjekmarkajt: Kronika e Kuvendit nis mandatin e dytë! Çfarë vjen pas verës

Nga Agron Gjekmarkaj

Kam marrë shumë mesazhe këto ditë nga miqtë e kronikës, të cilëve në ethet e mëdha të fushatës që sapo kaloi mezi u pritej rikthimi i saj .

Madje njëri syresh më tha me gazep po durojmë  o qerrata deri në shtator  kur kronika të pasurohet me personazhet e rinj, që duket sikur janë krijuar fiks për të.

Ju rritë ndera , Zoti ja shtoftë erzin Babos teksa qëndiste listën e deputetëve bashkë me Borën, mendonte edhe për këtë platformë të humorit të lirë.

Madje ai po me kerkon ndihme kostante duke ja njohur autoritetin  kesaj strukture të posaçme antiseriozitet  për të kompozuar qeverinë e re,për të shuar epshe e ndezur ëndrra! Nuk ja bëj kurrë hallall që më largoi Mimi di Puccini-n, xha Pandin, e ndonjë tjeter!

Një brengë e madhe i mundon kolegët socialistë sidomos por edhe njerzinë mbarë , se a do të tregohet kronika mjaftueshëm bujare me personazhe si Zeqineja e Roskovecit që në Parlament vjen pasi sikterisi Maldritën e Lushnjës, Sara e Peqinit dhe Cërrikut që i duhet të zevendesojë një estet të sharmit , veshjes harmonike e gjetjeve bizarre Dashin tonë, apo Ilva Gjuzin e katundeve të Tiranës, që Babo i ka caktuar detyrën të zëvëndësojë njeriun e Perendisë Tonin dhe brigadier Xhemalin xhanan burrë, që Peza dhe Dajti të mos mbeten kurrë pa nizam?!?

Disa të tjerë rrinë e mejtojnë për vendin që do të ketë në kronikë Neta e Patosit që me tortën “Belinda” ia doli të rrijë edhe 4 vjet në mejhanen e kuvendimit të halleve popullore, Dilo Nasufi sojliu i Beratit që e bren ndërgjegja si do t’ia bëjë pa shokët , Bafton , Petron, që ia morën këto zgjedhje,  si do të duken Pirdeni e Lluka në banakun e qeverisë, Blendi Klosi që në Dibër iu thosh njerëzisë jam nga Klosi siç kam mbiemrin, Shalsi që së fundmi ka zbuluar origjinën e të parëve nga Hasi kusheri me Pjeter Bogdanin te dy poet?!

E mbi të gjitha si do i ndajë raportet e perfaqesimit në “Kronikë” mes Mamices kadareane dhe Beles se pushtetit të vertete?

Apo si do i shkoqisë therrimet Tao me Ulsinë, Nikoqiri me Damon, Vini me Buqeten gonxhe, Malaj me Vengun e vogelith??

Po me Tezen  sa mike  e kam patur  dikur e me bren ndergjegjia per darametet qe i kam shtuar  ç’do bëhet, kush do e ngushelloje, ku do të jetë Ogi dhe mbi të gjitha çfarë do të bëjë Bora në shtator, e cila ëndërrat e verës i thonë që do të jetë prapë aty pranë Babos në ndonjë ofiq më të madh se helbete dikasteri i fëmijëve i rri i vogël shtatlartësisë së saj politike. ?

Në këtë lumë mendimesh të pështjelluara për personazhet e kronikës, sivllezërit e mi opozitarë duken indiferentë, megjithëse qejfi ua ka e xhani ua do kur kronika kujtohet për ta sidomos kur  ua lavdëron betejat epike kundër Babos si luftëtarë të virtytit kunder vesit?!

Kryezëvëndës lider Muli një  mik i beses dhe shefe Albana, megjithëse më pranojnë tashmë në mesin e tyre me ca doza dyshimi, më hodhën një shikim kritik në seancën e fundit , kur goja lëng me shkonte per një cope kek, si për të thënë bëre ç’bëre këto vite që iken , na thyeve zemren tani thirri mendjes dhe lëri kronikat se shkojne ca te Doktori e i thone ja ai veç tallet!

Megjithese Doktori i njeh e respekton trillet  e njerzve të fjales, narcizmin e tyre të padëmshem!

Lideri në perspektivë miku tjeter si zog dreqit Gazi i murretyer ,  rri mejtueshëm duke përgatitur arsenalin për t’i vënë zjarrin parlamentin e qeverisë së shtatorit, ndërsa Jorushi i Tabakëve ah Jorushi i Tabakeve ka shpallur kandidaturën për të qënë  kryetare e komisionit europian, se jeta e saj humbet  kuptimin pa histori negociatash, përafrimesh e përlargimesh, njerëzia ka vertetë  halle të tjera, por motoja e PD “ Shqiperia si gjithë Europa” e lë pa gjumë! Ajo pulit sytë e  fle vetem kur Shqiperia gerrhet e patrazuar!

Kronikes nuk i mungojnë sfiduesit , qortonjësit e ziliqaret! Një grua e mazhorances me tha hoqe e vure ministra keta vjet por Etilden se mbajte dot deputete paçka se ja perkufizove  melankolinë e pikellimin per “Shqiperine 2030”në Kuvend ! Eh  ja “Kronika” është si jeta histori suksesi e deshtimesh!

Por, krahas miqve kronikës i janë  ofruar këto kohë edhe disa aspirantë levender  të vertetë ne profesionin e tyre, si Fatjon Binjaku, Mane  Stafa, Ermal Syziu , Isë Myzyraj, Ardit Hoxha, Eridian Salianji  apo Marash Logu, këshilltari jonë i ligjeve të botës së këndejme dhe andejme qe po i the shendet plaç ta kthen! Në pak vite do bëhet një Gaz Bardh i vertetë sidomos  në dhëmshuri e marifet!

Everest Dedaj pasi u shfaq me dy pisqolla duke i hapur rrugen Gazit ne Rinas  ka rënë në dileme të qendrojë  tek penda apo t’ja vertisë me pushkë si mirditor zamani që është?! Qerratenj e qafirë të mëdhenj siç janë më shkruajnë shpesh, por gjithnjë fshehurazi sugjerime për kronikën.

I bren mendimi se po ta marrin lapsin e të shkruajnë vetë ndonjë kronikë, njerëzia nuk do t’i marrë seriozisht e ngaqë duan të duken shumë serioz e të ditur, me shikim të mprehtë e çehre të rëndë, nuk ia lejojnë vetes këtë liri të tepruar.

Vatani ka halle e ata ja qajnë ndaj duan  te qeshin me harxhet e mia shejtanet!

Nuk janë si Kosta, të cilin dje  e pyeta të të lë baxhier në ziafetin socialist, të tundesh llallë me dybek anipse akademik i vertete dhe Harvardist, apo të ve Genc Gjonçajn si më i dhënë pas punes fizke , si jo tha, nuk refuzohet kurrë një rrol në Kronikë! Ja kesaj i them vetedijë e lartë unë!

Autori i kësaj rrekeje  që e di mirë se këtyre të uruarve u vlon dëshira që një ditë të jenë aty mes mejhanes së kuvendit popullor, nuk ua zë për të madhe dhe i pret me buzëqeshje sugjerimet e tyre që shpeshherë jo për kronikë, por nuk vlejnë as për diktim te klasat e Akademisë rilindase socialiste  në orët e mësimit të presor Çuçit dhe zyshë Etildës.

Nejse, kështu duket se do ta çojë Kronika  këtë verë me miq dhe aspirantë, personazhe të vjetra dhe të rinj, që të gjithë me merakun se si do i vejë halli kësaj pune dhe si do duket ajo në vjeshtë?!

Nga  shtatori ajo fillon mandatin e dytë, pavarësisht se në fletën e votimit nuk e kishin vënë kronikën kandidat as në të mbyllur, e as në të hapur, kronika ishte e kudogjendur me autorin dhe personazhet e saj, ndërsa për votues ishin lexuesit e saj në gazeta, portale e rrjete sociale që padurueshem presin episodin e rradhës të kësaj hapesire  gazmore  në një sistem të ashper  politik.

Kur e pyetën autorin e Kronikes  gjatë zgjedhjeve në fshatin Ferrë Trashë të Mamurrasit ç’janë ato që shkruan, u përgjigj me droje për pyetjen gjysëm kurioze e gjysëm kritike  se ato janë humor për të thënë gjëra shumë serioze. Per pak pritet te kthehet Ervin Salianji që si Robin Hudi jua merr të pasurve dhe u jep të varferve, po ashtu edhe ai ku gjen te merzitur i gezon dhe ku gjen te gezuar i merzit , duke na dhuruar secilit shqetesimin që na duhet!

Hë doni më per Belulin dhe miqtë e tij?