Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

OPINEWS

Ku e ka burimin logjik shprehja "deputet i zgjedhur nga krimi"?

Politiko 27 Mars 2026, 11:16

Ku e ka burimin logjik shprehja "deputet i zgjedhur nga krimi"?

Nga Pano Soko

Dëgjova një intervistë të deputetes së re të PS, Sara Mile, që i përgjigjej një serie komentesh të Klodi Lalës në FB, i cili (në gjenezë të serisë-se më pas Klodin e kishin kërcënuar patronazhistët) mbështetj mbi dyshimin sesi është e mundur që Mile, një personazh jo-publik, para-politik, pa eksperiencë, arriti të marrë një numër votash personale që tejkalojnë ato të fituara nga vete Edi Rama në 2021, kur Rama ishte në listë të hapur.
Me kërshëri ndalova ta dëgjoja, për ta kuptuar dhe unë arsyen, por Mile zgjodhi të bëjë të pakuptuarën, duke u shprehur që nuk mund të bëhet kjo pyetje, sepse është pyetje pa sens etj..
Duke qënë se dhe unë ndaj të njëjtën kureshtje, për t’ja bërë më të qartë Miles se nga buron dyshimi (me shpresën se po na sqaron) i them:
Ku e ka burimin logjik shprehja "deputet i zgjedhur nga krimi"?
- Një ndër metodat sesi një grup kriminal i caktuar, të cilit i është kërkuar nga pushteti një numër i caktuar votash, ia provon pushtetit se ia ka dhënë votat e kërkuara, ështe duke i përqëndruar gjithë votat tek një emër anonim në listen e deputetëve të pushtetit, që nuk kishte vota të vetat.
Pra supozojmë për ilustrim se Rama i kërkonte grupit kriminal të Elbasanit 20.000 vota.
Për ta provuar në mënyre materiale që grupi ia kishte dhënë vërtet këto vota, iu thoshte “Që unë ta kuptoj që ju m’i keni dhënë vërtet këto vota, dua që gjithë votat tuaja t’ia jepni emrit “Sara Mile””.
Kush është logjika pas kësaj?
Duke qënë se Sara është një personazh i panjohur që ka shumë pak vota të vetat, nëse ndodh që ajo merr në emrin e saj 20.000 vota atëherë do të thotë që ia ka dhënë dhënë grupi kriminal dhe në këtë mënyrë, detyrimi i grupit për 20.000 vota ndaj pushtetit quhet i plotësuar.
Tani nisur nga këto më sipër, unë, Lala dhe qindra mijëra të tjerë dyshojmë se shembulli i përmendur më sipër është ajo ç’ka ka ndodhur në realitet.
Nëse deputetja Mile e gjen të pasaktë konstatimin tonë, më shumë kërshëri do të dëgjoja se cilat ishin ato strategji dhe taktika fantastike, ultra-efikase, përtej çdo arritjeje te derisotme të shkencave politike, që bënë që një individ i panjohur, parapolitik, pa asnjë eksperiencë të mëparshme në gara të tilla, të arrijë të superojë në votë personale gjithë senatorët e asaj partie (me gati disa fish në shumë raste), madje dhe rezultatin e vetë kryetarit të partisë kur ai ka garuar në listë të hapur?
Do të ishte një zbulim shkencor i jashtëzakonshëm.
Jam tërë vesh e plot kërshëri.

Të fundit