Flash News

Starton sot Giro D’Italia, ja akset rrugore që bllokohen në Tiranë nga ora 13:00-18:00

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Tym i bardhë nga Vatikani: Është zgjedhur Papa i ri

"Liria funksionon", PD përshëndet qëndrimin e DASH: E drejta vonoi, por u kthye në vend

OPINEWS

Kuvendi Kombëtar Rinor si homazh për mijëra të rinj që Rilindja largoi nga Shqipëria në një dekadë!

Politiko 1 Shkurt 2025, 17:52

Kuvendi Kombëtar Rinor si homazh për mijëra të rinj që

Nga Besart Xhaferri
Si një armik i rinisë pasi shkriu FRESH, Edvin Rama sot mori pjesë në punimet Kuvendit Kombëtar Rinor të PS, që i ngjante takimeve të Ramiz Alisë në vitet 1990 më të rinjtë, ku gjimnazistët, fëmijët e punonjësve të administratës dhe studentët me lista patronazhistësh bëhen pjesë e dekorit që mediet e inceneratorëve e pasqyrojnë si lum të rinjsh që mbështesin liderin global që është në karrigen e pushtetit që prej vitit 1998, kur shumë prej atyre të rinjve që janë sot në sallë nuk kishin lindur.
Në punimet e këtij Kuvendi që të rinjtë do detyrohen ta bëjnë share dhe faqet e tyre në rrjetet sociale askush nuk do guxojë të artikulojë faktin se në qeverisjen e Edi Ramës 125.813 adoleshentë ikën nga Shqipëria, teksa sot vendi ynë falë Edi Ramës ka 254 mijë studentë e nxënës më pak në 10 vjet.
Asnjë i ri në atë Kuvend nuk ka këllqe të thotë se në vetëm një dekadë janë 295 shkolla të mbyllura për shkak të eksodit, teksa shumë prej tyre janë kthyer në shtëpi bari, në të cilat punojnë ato nëna që do duhej të çonin fëmijët në këto shkolla.
Një sondash me 680 të rinj të moshës 14 -29 vjeç në Shqipëri , i realizuar nga “Friedrich-Ebert-Stiftung” pak muaj më parë evidentoi se, të rinjtë shqiptarë sytë i kanë nga eksodi, teksa më shumë se 40% e të rinjve që nuk kanë qenë ende jashtë vendit duan të largohen në të ardhmen dhe mes tyre 11% do të largohen brenda 6 muajve të ardhshëm.
Sot një të riu shqiptar i duhen rreth 70 vite për të blerë një apartament në Tiranë, pasi Kryeministri që pi shishe verë 33 mijë euro pastrimin e parave në ndërtim e ka kthyer në sipërmarrjen e tij private pas inceneratorëve dhe tenderave të AKSHI.
Pa më të voglin dyshim Edi Rama është Kryearkitekti i eksodit të të rinjve shqiptar dekadën e fundit, por të jetë i sigurt se të rinjtë do jenë ata që në 11 Maj do nënshkruajnë me votën e tyre kapitullimin e tij.

Të fundit