Lucas: Harris nuk kandidon për presidente. Nëse zgjidhet, atë punë e bën Obama

Peter Lucas/ Boston Herald

Kritikët e Kamala Harris nuk e kapin thelbin.

Ajo nuk kandidon për presidente për të qenë presidente. Nëse zgjidhet, atë punë e bën Barack Obama.

Ajo po kandidon në mënyrë që Donald Trump të mos fitojë.

Kjo është arsyeja pse slogani i saj i fushatës duhet të jetë, "Unë nuk jam ai".

Dhe slogani i Partisë Demokratike duhet të jetë “Ne nuk jemi ata”.

Me gjithë respektin, zonja është më e lehtë se ajri. Jo se Joe Biden ka qenë ndonjëherë anëtar i Mensa-s, që ta dini.

Bisedat private mes të dyve duhet të kenë qenë diçka për historinë.

Mungesa e substancës intelektuale të Harris është arsyeja kryesore që ajo jo vetëm që i shmanget medias në përgjithësi, por edhe u shmanget gazetarëve që i shërbejnë asaj.

Tregues i pasigurisë dhe joseriozitetit të saj është se të vetmet politika të brendshme që duket se përkrah janë të marra nga Trump, qofshin ato për sigurimin e kufirit apo heqjen e taksave mbi bakshishn.

Në fakt, në fjalimin e saj të pranimit në Konventën e Partisë Demokratike javën e kaluar, Harris ishte më specifike për gjërat e imagjinuara "të këqija" që do të bënte Trump si president sesa gjërat "të mira" që do të bënte ajo vetë.

Ndër gjërat e këqija që do të bënte Trump, sipas Harris, do të ishte burgosja e kundërshtarëve të tij, ashtu si Biden/Harris po përpiqen të burgosin Donald Trump, megjithëse ajo nuk e përmendi atë pjesë.

Ajo tha se Trump do të lironte "ekstremistët e dhunshëm" që sulmuan oficerët e zbatimit të ligjit në Kapitol më 6 janar 2021, ashtu si Biden/Harris shpërfillën në mënyrë rutinore protestuesit antisemitë, përfshirë ata pro-Hamasit që demonstronin jashtë sallës së Konventës.

Ajo tha se Trump do të burgoste edhe gazetarë. Megjithatë, kjo nuk është domosdoshmërisht një ide e keqe, duke pasur parasysh thellësitë e mashtrimit, ku gazetaria e krahut të majtë është zhytur kur bëhet fjalë për të shkruar për Trump dhe Republikanët.

Nëse keni ndonjë dyshim për të, thjesht monitoroni për një ditë New York Times, Washington Post, Boston Globe, ABC, NBC, MSNBC, CNN, CBS dhe kështu me radhë.

Dhe nëse Trump do të burgoste gazetarët, ndoshta do të kishte më shumë gazetarë pas hekurave për krime kundër gazetarisë sesa ka aktualisht emigrantë të paligjshëm kriminelë, ose mbështetës të Hamasit që djegin flamurin amerikan.

Përpara se media e pushtetit të korruptohej, gazetarët në të kaluarën preferonin të burgoseshin sesa të injoroheshin. Tani, nën kontrollin e Partisë Demokratike dhe krahut të saj pro-Hamas, ata janë të lumtur të injorohen.

Dhe harrojeni politikën e jashtme. Harris mezi e përmendi atë dhe për arsye të mirë.

Megjithatë, një tregues i zotërimit të saj të politikës të jashtme u bë i qartë në një intervistë radiofonike të vitit 2022, kur ajo u pyet për luftën në Ukrainë.

Ajo u përgjigj: “Pra, Ukraina është një vend në Evropë. Ekziston pranë një vendi tjetër të quajtur Rusi. Rusia është një vend më i madh. Rusia është një vend i fuqishëm. Rusia vendosi të pushtonte një vend më të vogël të quajtur Ukrainë. Pra, në thelb, kjo është e gabuar dhe bie ndesh me gjithçka që ne mbështesim.”

Ja ku e keni: lufta Rusi-Ukrainë me pak fjalë.

Pra, nuk është çudi që Harris nuk mban asnjë konferencë shtypi apo nuk jep ndonjë intervistë të thelluar televizive, edhe pse ajo do të bëri një intervistë me kandidatin Tim Walz në CNN-in miqësor para dy netësh. Nëse ajo do të bënte një intervistë të vërtetë dhe të vështirë solo, kjo mund të ishte zhbërja e saj. Ajo është kandidatja më scripted (që ia përgatisin fjalimet dhe qëndrimet)  ndonjëherë.

Ndërkohë, nuk mund ta mbani Trumpin larg lajmeve pasi ai vazhdon të mbajë mitingje, të mbajë konferenca shtypi dhe t'u përgjigjet pyetjeve nga shtypi çdo ditë.

Ndërkohë që Trump është ende nën një urdhër të pjesshëm ndalim-komunikimi, ndalim-komunikimi për Harris është total dhe nuk është i urdhëruar nga gjykata, por i vetëvendosur.

Harris dhe menaxherët e saj duan që të skadojë koha dhe ta mbajnë atë sa më larg mediave, edhe pse media e establishmentit është plotësisht në xhep.

Një shembull është se si kukullat progresive të shtypit shanin Robert F. Kennedy, Jr. për pezullimin e fushatës së tij të pavarur presidenciale dhe mbështetjen e Trump.

Nëse ai do të kishte mbështetur Kamala Harris, ata do t'i kishin dhënë një Oscar, një Emmy, një Grammy, dy Pulitzer, Çmimin Nobel për Paqe dhe Medaljen Presidenciale të Lirisë.

Sa për ta ilustruar.