Flash News

Kërcet arma në Durrës, plagoset një 30-vjeçar

Aksident në Rrugën e Arbrit, makina del nga rruga, dy të plagosur

Arrestimet te “Bankers Petrolium”, Prokuroria jep detaje: Deklaroi 11.7 mld lekë humbje, shteti nuk përfitoi asnjë të ardhur për 20 vite

Vdesin tragjikisht në aksident ylli i Liverpool, Diogo Jota dhe vëllai i tij

Posta e mëngjesit/ Me 2 rreshta: Çfarë pati rëndësi dje në Shqipëri

OPINEWS

Mbyllja e AKU-së, receta e Ramës për të fshehur kalbësinë e sistemit të hajdutëve e të paaftëve

Politiko 3 Korrik 2025, 17:31

Mbyllja e AKU-së, receta e Ramës për të fshehur

Nga Hysni Gurra

Dështimin me kontrollin dhe sigurinë ushqimore, Edi Rama ka vendosur t’ia faturojë Autoritetit Kombëtar të Ushqimit (AKU), duke dhënë një “zgjidhje” që të kujton logjikën e doktor Adhamudhit: të mbyllet AKU-ja.
Në fakt, problemi nuk është institucioni vetë, por mënyra se si ai është drejtuar e përdorur gjatë qeverisjes së Ramës.
Si me shumë struktura të tjera shtetërore, AKU është politizuar, degraduar nga emërime klienteliste dhe është kthyer në një mekanizëm të paaftë për të përmbushur funksionin bazë: garantimin e sigurisë ushqimore të qytetarëve. Bile është kthyer nga pushteti i Ramës në mekanizëm ‘vrasës’ i heshtur.
Por, AKU, në thelb, është një strukturë teknike dhe monitoruese, që sipas ligjit ka kompetenca të qarta për kontrollin e produkteve ushqimore në çdo hallkë të zinxhirit ushqimor – nga importi, te prodhimi, ruajtja dhe tregtimi.
Por këto kompetenca, për sa kohë që nuk mbështeten me kapacitete reale njerëzore, teknike dhe me integritet institucional dhe zeqinenizohen, autoriteti i mbetet vetëm në letër.
Mungesa e laboratorëve funksionalë, mbivendosja e kompetencave me institucionet e tjera, emërimi i drejtorëve pa përvojë apo me lidhje politike, mungesa e inspektimeve të rregullta dhe selektiviteti në aplikimin e ligjit – janë simptomat e një institucioni të paralizuar jo për shkak të strukturës, por për shkak të menaxhimit të qëllimshëm të dobët. Këtë natyrë kanë institucionet e shtetit shqiptar nga 2013 e tëhu.
Në vend që të reformojë administratën publike, të ndërtojë një trupë inspektorësh të pavarur, të pajisur mirë dhe të pa ndikuar nga politika apo interesat e tregut, Rama zgjedh rrugën më të thjeshtë dhe më absurde: shuarjen e institucionit.
Po të ndjekim të njëjtën logjikë adhamudhiane, atëherë duhet të mbyllen edhe ministritë ku janë kryer afera korruptive galopante. Pse nuk mbyll ministrinë e Belinda Ballukut, ku janë miliarda euro të shpërdoruara dhe të vjedhura? Përse nuk mbyll Ministrinë e Shëndetësisë, ku grabiten miliona euro me konçensione dhe njerëzit vdesin për mungesë ilaçesh e shërbimi? Çfarë bën më shumë AKU-ja se Ministria e Shëndetësisë në këtë drejtim???
Apo edhe vetë Kryeministria – vendi ku ideohen dhe nxirren për ekzekutim vjedhjet më të mëdha që ka njohur ndonjëherë ky vend.
Mbyllja e AKU-së nuk është reformë. Është vetëm një tjetër përpjekje për të zhvendosur vëmendjen nga paaftësia dhe dështimi i thellë i qeverisjes në fushën e sigurisë ushqimore, për të shmangur përgjegjësinë politike dhe institucionale.
Zgjidhjet alla doktor Adhamudhi janë për të mashtruar idiotët e dobishëm, që për fat të keq kanë të drejtë vote, por nuk janë edhe të paktë në këtë vend dhe ç’është më e rëndësishmja nuk e mendojnë, nuk e dinë që Edi Ramës nuk i plas fare çfarë hanë ata dhe fëmijët e tyre.