Flash News

Ushtroi dhunë dhe kanosi me armë bashkëshorten, arrestohet 40-vjeçari në Kamëz

Tiranë/ I riu dhunohet brutalisht dhe merret peng

Përfaqësues të SHBA dhe OSBE marrin pjesë në meshën për Papa Françeskun në Katedralen "Shën Pali"

Aksident në aksin Fier-Levan, furgoni përplas motomjetin, një i plagosur

I dënuar për fshehje pasurie, GJKKO konfiskon apartamentin e ish-kreut të Kushtetueses, Bashkim Dedja

OPINEWS

Mbyllja e TIK TOK, Boomerangu Elektoral që do godasë Ramën në 11 Maj!

Politiko 7 Mars 2025, 11:32

Mbyllja e TIK TOK, Boomerangu Elektoral që do godasë Ramën

Nga Franc Nuri

Njësoj si dikur Diktatori HOXHA, sot Rama me vendim qeverie (ri)vendosi ÇENSURËN në Shqipëri. Masa ekstreme për mbylljen e platformës më të përdorur nga Shqiptarët brenda dhe jashtë vendit, platformës TIKTOK, vetëm 2 muaj para Zgjedhjeve të përgjjthshme të 11 Majit 2025, tregon frikën absolute të Edi Ramës ndaj fjalës së lirë, i cili po përdor çdo mjet për të frenuar zërin Opozitar në vend.

Mbyllja e rrjetit social TIK TOK ishte paralajmëruar para 3 muajve nga regjimi që sundon vendin prej 12-viteve. Por lajmi se sot aplikacioni TIK TOK do të mbyllet për 1 vit nga qeveria shqiptare, do t’i kthehet në një boomerang elektoral Edi Ramës.

E nisur me idenë e fshehtë për të çensuruar fjalën e lirë në prag të fushatës elektorale për zgjedhjet e 11 Majit 2025, pasojat negative nga një akt i tillë nuk prekin vetëm të rinjtë, por do të kenë pasoja të paimagjinueshme edhe për mediat shqiptare, të cilat kanë të gjitha llogari zyrtare të hapura në TIKTOK, përfshirë edhe televizionin Shqiptar. Ndaj mbyllja me një të rënë të lapsit e këtij rrjeti social, më i përdoruri sot për sot në Shqipëri, cënon në mënyrë të padiskutueshme lirinë e medias, të drejtën thelemore të fjalës së lirë dhe lirnë e shprehjes dhe mendimit.

Edhe për mijëra biznese të vendit, të cilat e përdorin përditë TIK TOK për publicitet dhe reklamim të mallrave dhe shërbimeve të tyre pa pagesë, apo kontakte me klientelën jo vetëm në Shqipëri por edhe në Rajon e mbarë Botën, ndikimi i çensurës do të jetë kolosal.  Sa bare, restorante, agjenci imobiliare, agjenci udhëtimi apo turistike, hotele, dyqane, televizione, emisione, portale, apo edhe shërbime konsulence apo avokatie përdorin Tiktok sot në Shqipëri për marketing ? E vështirë të gjesh një biznes në vend që të mos ketë llogari të hapur në TIK TIK.  Sa marketing pozitiv mori Shqipëria për turizmin këto vitet e fundit vetëm nga blogerët apo influencerat e huaj që përdornin këtë platformë ?

Mos harroni se, në kushtet kur përdorimi i TIK TOK duket se ka tejkaluar atë të Facebook dhe Instagram, si dhe, ndryshe nga këto të fundit, mundësia për reklamim falas të mallrave dhe shërbimeve në Tiktok, e bën këtë platformën më të përdorur në vend dhe Rajon.

Janë me mijëra e mijëra individë apo biznese që përdorin Tiktok për reklama dhe marketing. Nesër, të gjithë këto biznese dëmtohen rëndë nga mbyllja me « ligj » të Qeverisë të një aplikacioni që ka vite që përdoret masivisht në mbarë Botën.  Të gjithë këta individë që preken nga kjo masë ekstreme dhe disproporcionale, do të jenë vota kundër kësaj Qeverie në 11 Maj 2025.

Nga ana tjetër, shembulli i Shteteve të Bashkuara të Amerikës tregoi se edhe atje, ndonëse pati debate lidhur me TIK TOK, Presidenti i SHBA z. Donald TRUMP e hoqi mbylljen e kësaj platforme të planifikuar e vendosur nga administrata e mëparshme.  As në BE, hapësirë ku Shqiptarët kanë vite që aspirojnë të integrohen, nuk ka asnjë Shtet Europian që të ketë ndërmarrë një masë të tillë çensure ndaj fjalës së lirë dhe lirisë së shprehjes dhe mendimit.  Me këto masa surreale, Edi Rama i cili në mëngjes flet me pathos për integrimin (imagjinar) Europian të vendit, në mesditë me vendimet e qeverisë së tij, e rreshton Shqipërinë globalisht me Indinë, Pakistanin, Afganistanin (ku TikTok është mbyllur pas ardhjes së Talebanëve), Jordania, Nepali, Kirgistani dhe Uzbekistani, të gjitha vende që kanë ndaluar zyrtarisht TikTok.

Por kjo ndodhi duhet parë me vëmendje edhe nga pikëpamja kushtetuese dhe ligjore. Demokracia dhe Shteti i së Drejtës duhet të garantojë Lirinë e shprehjes, lirinë e fjalës dhe të mendimit. Ndaj këto liri nuk mund të kufizohen në mënyrë totale dhe disproporcionale. Gjithashtu, Kushtetuta jonë supozohet se  garanton edhe lirinë e veprimtarisë ekonomike, si një parim i cili nuk mund të kufizohet në mënyrë disproporcionale.

Ndalimi i çensurës është një kusht minimal për një Shtet të së Drejtës, cënimi i të cilit na çon në vitet e errëta të Diktaturës Hoxhiste, kur Shqiptarët dënoheshin pse dëgjonin në Radio Zërin e Amerikës apo shihnin San Remon në TV.

Në kushtet kur të gjithë e kuptojnë fare qartë se mbyllja nga Qeveria e Tiktok nuk ka për qëllim real ato që deklarohen prej saj (mbrotjen e rinisë etj), por mbylljen e një platforme lirie që përdoret masivisht nga shumica e Shqiptarëve, në kushtet kur nuk e kontrollon dot siç bën me 95% të mediave tradicionale – reagimi i qytetarëve Shqiptarë jam i bindur se do të shprehet në shesh me protestë në 15 Mars, si dhe me votë kundër kësaj Qeverie në zgjedhjet e përgjithshme për Kuvend të datës 11 Maj.

Të fundit