"Miu" që u kap menjëherë poshtë mustaqeve të mazhorancës

“Një herë më kalon miu poshtë mustaqeve”, shprehje kjo e lashtë e përdorur nga të parët tanë, por që sot po mundohem ti jap kuptim.

Teksa mu kujtua kjo shprehja, para syve më erdhi titulli në media: U bllokua në trafik për shkak të protestës së opozitës, gruaja lind foshnjën në makinë.

Por mazhoranca “e kapi miun” menjëherë dhe pa e menduar gjatë e plasi duke tentuar të sulmojë kundërshtarët politikë.

Shumë media qeveritare e përdorën këtë titull, duke “kryqëzuar” opozitën e cila kishte bllokuar rrugët duke protestuar dhe gruaja shtatzënë lindi në makinë pasi nuk mundi të arrinte në spital për shkak të trafikut të rënduar.

Megjithatë, disa burime më vonë sqaruan se familja e gruas nuk kishte ndjekur rrugën drejt maternitetit dhe se nuk ishte thjesht trafiku shkaku kryesor për këtë ngjarje.

Mazhoranca, përmes ministres së Shëndetësisë, Albana Koçiu, falënderoi ekipin mjekësor për ndërhyrjen e shpejtë që garantoi shëndetin e mirë të nënës dhe foshnjës.

Koçiu theksoi përgjegjësinë e opozitës për bllokimin e rrugëve dhe komplikimet e krijuara nga protesta, duke e përdorur këtë ngjarje për të kritikuar mënyrën e organizimit të saj.

Kjo është një mënyrë për të shmangur vëmendjen nga problemet e përhershme të trafikut në Tiranë, të cilat janë një çështje e ndjeshme për qytetarët, por për të cilat qeveria nuk reagon në mënyrë të njëjtë.

Një nga arsyet kryesore pse mazhoranca nuk reagon kur trafiku është një kaos në Tiranë është sepse ai është një problem kompleks që kërkon zgjidhje strukturore, të cilat nuk janë arritur plotësisht.

Në raste të tilla si protestat, mazhoranca përdor ngjarje individuale për të përforcuar mesazhet politike, duke zhvendosur debatin nga sfidat afatgjata, si menaxhimi i keq i trafikut, drejt kritikave të drejtuara ndaj kundërshtarëve.

Mazhoranca nuk ka bërë komente të forta mbi këtë çështje pra trafikun, për periudha të gjata, pavarësisht nga fakti që trafiku është një burim stresi dhe humbje kohe për banorët e kryeqytetit.

Kjo strategji përpiqet të bindë publikun se situata e bllokuar në rrugë me gruan shtatëzënë është një rezultat i drejtpërdrejtë i protestave, dhe jo i menaxhimit të dobët të qytetit që ka ndikuar në kaosin e përhershëm të trafikut në kryeqytet.

Epo ja pra, ku PS  “e kapi miun”, por nga nxitimi nxorën blof dhe njëherë tjetër veten.

Nga N.Fero/ Politiko.al