Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

OPINEWS

Nga Partizane tek PR-izane: Urime 84-vjeçares që s’ka nevojë për krem anti-rrudhë – ka pushtetin!

Politiko 12 Qershor 2025, 18:29

Nga Partizane tek PR-izane: Urime 84-vjeçares që s’ka

Nga Hysni Gurra

Gëzuar ditëlindjen, Parti!
Një jetë e gjatë, nga pushka te pushimi mbi ligj.
Nga traktori te tenderi.
Nga rrënjët komuniste te degët oligarkike.
84 vjet histori suksesi – për veten tënde.
E ke nisur si Partia Komuniste e Shqipërisë (PKSh) – revolucionare, ilegale, me ide të forta (dhe plumba të vërtetë).
U rrite si Partia e Punës (PPSh) – totalitare, e gjitha për popullin (me kusht që populli të mos ketë opinion).
Pastaj erdhi demokracia, e fshive grimin, vure një buzëkuq “evropian” dhe u quajte Partia Socialiste (PS) – moderne, pro-perëndimore, me zë të butë por dore të hekurt.
Në thelb, e njëjta parti, thjesht me filtra të ndryshëm:
* PKSh vendoste kush jeton dhe kush jo.
* PPSh vendoste kush punon dhe për kë.
* PS vendos kush fiton tenderin dhe kush rri në radhë me CV në dorë, kush rri brenda e kush duhet përzënë jashtë Shqipërisë.
Ti nuk plakesh, jo. Ti vetëm riemërohesh.
Siç Enveri e quante veten “udhëheqës i dashur” dhe askush s’guxonte ta pyeste pse s’kishte bukë, sot quhesh “Rilindje” dhe kush të pyet pse vjedh, pse me patronazhistët quhet armik.
Ti nuk plakesh, jo. Ti vetëm riemërohesh.
Siç Enveri kishte Mugoshën dhe Popoviçin, edhe sot ke versionin e vetëpërmirësuar të miqësive ideologjike:
Rama lë ditëlindjen tënde për të shkuar në dasmën e Sorosit.
Nga kongreset e Partisë në dasmat globale – me stil, me klas, dhe me sponsor.
Sepse s’ka rëndësi ku feston Partia, mjafton që pushteti të jetë i ftuari nderi.
Je mrekulli biologjike: një trup 84-vjeçar me fytyrë Instagrami dhe buzëqeshje me fytyrë të stampuar hipokrizie që e duartrokasin të sëmurët e indoktrinuar dhe interesaxhinjtë.
Ke pasur gjithmonë të drejtë – edhe kur thoshe se Amerika ishte armik, edhe kur i falesh se ç’thotë Amelika bën partia e bën sikur me “BE-në” për hapjen e negociatave që vetë i mbyll nga brenda.
Konsistence? Po, konsistence absolute në kapjen e gjithçkaje!
Dhe sot, në këtë ditë të madhe, shqiptarët kanë dy zgjedhje:
-Ta festojnë ditëlindjen tënde.
-Ose të ikin jashtë me avionin e orës 3:45, sepse në këtë vend vetëm ti ke të drejtë të plakësh pa u larguar.
Urime Parti!
Nga komanda në mal, te rezidenca me stil!
Nga kooperativa, tek korporata!
Ti je provë që sistemi mund të ndryshojë… por pushteti, kurrë!