Flash News

Apeli i GJKKO lë në fuqi dënimin me burg për Gjergj Cukalin

I vuri zjarrin banesës së hallës, arrestohet vlonjati

Tiranë/ 59-vjeçari bie nga kati i dytë i banesës

Edi, jerm

Në kërkim nga Italia, kapet në Durrës trafikanti i drogës (EMRI)

OPINEWS

Opozita shqiptare mori aq mandate sa mori vetëm falë një njeriu: Sali Berisha

Politiko 26 Maj 2025, 17:59

Opozita shqiptare mori aq mandate sa mori vetëm falë një njeriu:

Nga Hysni Gurra

Për ata që e thonë, ata që e mendojnë por nuk e thonë, dhe ata që e thonë por e mohojnë
Për zgjedhjet e 11 majit, flas si një njeri që pashë diçka në terren. Por jo si njeri terreni që kërkon një post, një përfitim nga pushteti nëse ai ndryshon, apo si një investim për ambicie personale në të ardhmen.
Ashtu si shumë gazetarë që dalin në terren për të parë apo mbështetur dikë, edhe unë kam qenë atje, si një qytetar vullnetar që beson në nevojën për rotacion.
Por më 11 maj, në Shqipëri nuk pati zgjedhje në Shqipëri. Nuk ma provon dot askush të kundërtën e kësaj derisa e kam parë vetë.
Opozita shqiptare mori aq mandate sa mori vetëm falë një njeriu: Sali Berisha.
Falë karizmës, frymës dhe punës së tij personale. Nuk flas për askënd tjetër poshtë tij, as për karizmatikë, as për punëtorë.
Pas zgjedhjeve, shumë prej atyre që deri dje kanë qenë të lidhur pas Partisë Demokratike, u ekspozuan. Ju e patë vetë se çfarë rezultatesh morën Basha, Alibeaj, Dash Shehi dhe të tjerë të kësaj kategorie. Dhe fill pas 11-Majit të gjithë në një refren të vetëm filluan prap: “Të ikë Berisha”.
Por kjo nuk është gjë e re.
Po ka edhe zëra tjerë si këta që përmenda
po edhe hymeqarë mediatikë që flasin kinse u dhimbset PD-ja, po ka edhe nga brenda, fitues e jo fitues, që një pjesë e thonë hapur, të tjerë e mendojnë por nuk e artikulojnë, dhe disa të tjerë që e thonë, por më pas e mohojnë. Të njëjtën logjikë: PD duhet të shohë nga vetja, Berisha duhet të largohet, e kështu me radhë.
Por askush nga këta nuk ka as 1% të peshës politike që kanë pasur më parë emra si Basha, Dash Shehi, Alibeaj e të ngjashëm.
Nëse nuk e kuptojnë, duhet t’u thotë dikush si kanë dalë këta emra në zgjedhje, kur nuk kanë qenë nën ombrellën e Berishës.
Nëse janë të rinj ambiciozë, me diploma nga jashtë, të përkëdhelur brenda PD-së, le ta kuptojnë diçka thelbësore: edhe një djalë i ri, pa shumë shkollë, por që është rritur në oborrin e PD-së, që i njeh ‘kafenetë’, njerëzit, mendësinë e terrenit — është shumë më i aftë për të krijuar lidhje me votuesin dhe përfaqësuar ata se sa shumë nga subjektet e këtij shkrimi.
Kjo thirrje për t’u ndarë nga Berisha nuk është e re. Në vite janë larguar nga PD emra të mëdhenj për kohën (mos i gjykoni sot, shkoni në kohë) si Tritan Shehu, Genc Pollo, Ben Imami — figura të respektuara të kohës, të pastra për kohën, njerëz terreni. Më vonë edhe Dash Shehi, Bamir Topi, Basha, Alibeaj... Por pavarësisht kësaj, anëtarësia ka folur gjithmonë qartë. Të gjitha herët, ajo ka vendosur për Sali Berishën.
Ka disa dhunti që njeriut ia jep Zoti. Dhe ndaj tyre, sado të përpiqesh, nuk ke ç’të bësh: urreji, luftoji, bëj kurthe – nuk ia ndryshon dot vendin.
Aq më pak kur një njeri me dhunti është edhe punëtor i jashtëzakonshëm dhe me karakter të fortë.

Të fundit