Peter Lucas: "Beteja e Mjekrave" Hegseth-Vance për Presidencën post Trump

Peter Lucas/ Boston Herald

Këtu lind pyetja e ndërlikuar:
A kishte Sekretari i Luftës, Pete Hegseth, për qëllim të godiste Zëvendëspresidentin JD Vance – një rival të mundshëm për vitin 2028 – në “luftën e tij kundër mjekrave” në ushtri?

Vance mban mjekër, edhe pse nuk është pjesëtar aktiv i ushtrisë. Por ai është numri 2 në komandë, nën Presidentin Donald Trump, Komandantin e Përgjithshëm.
Vance pritet gjithashtu të jetë kandidati kryesor për pasardhës të Trumpit – dhe një nga sfiduesit e tij të mundshëm mund të jetë pikërisht Hegseth.

Kështu që mund të ndodhë që kjo të kthehet në një lloj “Betejë të Mjekrës” paraprake – mes Hegseth-it pa mjekër dhe Vance-it me mjekër në stilin e Abraham Lincoln-it.
Nëse Vance del papritur i rruar, e dini se Hegseth ka fituar betejën e parë.

Hegseth i bëri komentet për ndalimin e mjekrave në ushtri gjatë një fjalimi para një tubimi të pazakontë prej qindra gjeneralësh dhe admiralësh në bazën e Quantico-s, të martën e kaluar.
Në atë fjalim – ku ai bëri thirrje për t’i dhënë fund “plehrave të ëoke” (ëoke garbage) në ushtri, përfshirë ndalimin e “meshkujve me fustane” – ai njoftoi gjithashtu eliminimin e mjekrave.

“Jo më mjekroshë,” tha ai. “Epoka e profilit të rruarit në mënyrë të çmendur dhe qesharake ka marrë fund.”
Kjo e bëri një vëzhgues të pyeste: “A po flet për ndalimin e mjekroshëve (beardos) apo të të çuditshmëve (ëierdos)?”
Ndoshta për të dyja.

Megjithëse nuk e përmendi Vance-in drejtpërdrejt, Hegseth i tha audiencës: “Nëse do mjekër, mund t’i bashkohesh Forcave Speciale.
Nëse jo – atëherë rruaju. Ne nuk kemi një ushtri plot me paganë nordikë, por fatkeqësisht kemi pasur udhëheqës që ose refuzuan të flasin hapur për budallallëqet dhe të zbatojnë standardet, ose udhëheqës që ndiheshin sikur nuk lejoheshin t’i zbatonin ato. Të dyja janë të papranueshme.”

Të dy, si Hegseth (45 vjeç), ashtu edhe Vance (41 vjeç), janë veteran të ushtrisë.
Hegseth, i diplomuar në Princeton, ka shërbyer në Irak si oficer këmbësorie dhe më pas në Afganistan me Gardën Kombëtare të Minesotës. Ai është dekoruar dhe e ka përfunduar karrierën ushtarake me gradën major.
Vance, 41 vjeç, iu bashkua Marinës Amerikane në vitin 2003, pas përfundimit të shkollës së mesme. Ai u dërgua në Irak në vitin 2005 për gjashtë muaj, duke shërbyer si korrespondent i Marinës. Grada e tij në momentin e lirimit nga shërbimi ishte rreshter (corporal).

Ndërsa Hegseth mund të ketë qenë më i lartë në gradë në të kaluarën, Vance tani e tejkalon atë – të paktën në teori.

Të dy burrat u zgjodhën nga Trump në mënyrë të papritur. Vance ishte senator i Ohajos kur Trump e zgjodhi si partner në garën presidenciale, ndërsa Hegseth ishte komentator televiziv në Fox Neës kur Trump e emëroi si Sekretar të atëhershëm të Mbrojtjes (tani të Luftës).

Dallimi mes tyre është ky:
Hegseth drejton Departamentin e Luftës dhe gjithë makinerinë gjigante ushtarake të SHBA-së në mbarë botën. Përveç postit të presidentit, është puna më e lartë në qeveri.
Ndërkohë, Vance, si zëvendëspresident, praktikisht nuk drejton asgjë. Përveçse kur thyen një barazim votash në Senat, ose në rast se duhet të zëvendësojë presidentin e vdekur ose të paaftësuar, detyrat e tij janë të kufizuara.

Megjithatë, në rastin e Vance-it, Trump i ka dhënë një rol të spikatur në përfaqësimin e tij dhe të administratës, brenda dhe jashtë vendit – dhe ai është treguar efektiv në këtë rol.
Kur ai flet, e di që është vetë Trump që po flet.
E vetmja problematikë është se Trump… nuk pushon kurrë së foluri.

Gjithsesi, mund ta dëgjosh gjithashtu “Trumpin që flet” – me pak më shumë artikulim – edhe përmes Hegseth-it, kur ai premtoi të eliminojë “plehrat ideologjike, politike dhe toksike që kanë infektuar” ushtrinë.

“Jo më muaj identitetesh, zyra DEI, meshkuj me fustane, as adhurim të ndryshimit të klimës, as më shumë përçarje, shpërqendrim apo iluzione gjinore. Siç kam thënë më parë, kemi mbaruar punë me këto budalliqe.”

Kaq më mjafton që të dua të rikthehem në ushtri – ose të paktën… të rruhem.