Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Pse u tërhoq Presidenti?/ Meta ‘thyhen’ heshtjen: Më lanë qëllimisht përballë 120 deputetëve, minuan përpjekjet e mia

Politiko 16 Nëntor 2021, 21:24

Pse u tërhoq Presidenti?/ Meta ‘thyhen’ heshtjen: Më

Presidenti Ilir meta ka folur për herë të parë për zhvillimet e fundit në politikën shqiptare, pas një kohe të gjate heshtjeje.

Për RTV Ora, presidenti Meta tregoi arsyet që e bënë atë të tërhiqet nga tensionet e politikës. Presidenti u shpreh se tanimë është detyra e Parlamentit që të garantojë një protagonizëm në funksion të rivendosjes së demokracisë, teksa sqaroi se qëndrimet dhe sjelljet e tij do të jenë deri më 24 korrik.

“Presidenti ka qenë dhe mbetet gjithmonë në krye të detyrës. Sjellja e tij, qëndrimet e tij kanë qenë janë dhe do të jenë deri më 24 korrik të diktuara nga rrethanat në të cilat ai ushtron aktivitetin e tij gjithmonë në respekt të Kushtetutës së Republikës së Shqipërisë. Besoj se e kam sqaruar edhe më parë, pra pas 25 prillit që pavarësisht nga rezultati i 25 prillit, pavarësisht nga të gjitha problemet sidoqoftë vendi ka një parlament pluralist dhe tani është detyra e këtij Parlamenti që të ketë protagonizmin e duhur në funksion të rivendosjes së demokracisë në shinat kushtetuese nga të cilat Parlamenti dhe shumë institucione dolën në shkurtin e vitit 2019 dhe për të cilin jemi dëshmitarë. Në këtë drejtim Presidenti është këtu për të përmbushur detyrat dhe përgjegjësitë e tij. A ka qenë një situatë e pazakontë? Sigurisht që e tillë ka qenë! Po sigurisht që edhe për Presidentin nuk ka qenë përgjegjës siç po tregojnë edhe zhvillimet e fundit ku Presidenti po qëndron në mënyrë tepër të qartë institucionale”, tha Meta.

Meta tregoi se ka marrë shumë nisma dhe iniciativa të cilat janë refuzuar nga palët e tjera të politikës. Presidenti rikujtoi djegien e mandateve nga ana e opozitës dhe mesazhin që i përçoi asokohe, edhe qeverisë në pushtet. Ai theksoi se u la qëllimisht përballë 120 deputetëve, për të krijuar idenë se problemi ishte Presidenti.

“Sa iniciativa ka ndërmarrë Presidenti kur ishte për te garantuar zbatimin e Reformës në Drejtësi, sipas Kushtetutës, sipas 140 votave të miratuara në Parlament në kohën kur Presidenti aktual ishte Kryetar i Parlamentit. Këtë gjë e dimë si janë refuzuar dhe lojërat që janë bërë. Së dyti djegia e mandateve. Ju e dini shumë mirë që Presidenti sapo e mori vesh këtë lajm, se Presidenti ishte në Gjermani, nuk ka qenë dhe kur kjo u bë fakt i kryer, ka bërë menjëherë një deklaratë. Palët bëjnë hapa mbrapa, opozita një hap mbrapa, qeveria dy hapa mbrapa dhe të rivendosin dialogun. U dogjën u ekzekutuan menjëherë në mënyrën më antikushtetuese dhe këtë e shohim sot, e kemi parë se çfarë ka ndodhur.

Përpjekjet e Presidentit që vendi të kishte zgjedhje vendore gjithëpërfshirëse siç i takon një vendi të qytetëruar dhe demokratik. Ftesat e Presidentit për të realizuar këtë gjë. Ju e dini se si u minuan të gjitha përpjekjet e Presidentit. Nuk dua të shtyhem në shumë aspekte të tjera, por Presidenti kishte një detyrë, të paktën deri më 25 prill, se ai e ka detyrën deri në sekondën e fundit të 24 korrikut në këtë institucion, që të mbrojë Kushtetutën në të gjitha rrethanat, edhe kur ai është i vetëm dhe lihet i vetëm qëllimisht përpara një parlamenti më 120 e ca kartonë, si të thuash, me deputetë, me ato akte që ata kanë votuar vetëm ndërgjegjja e tyre mund ta pranojë.

Në kushtet dhe presioni e provokimi të gjithanshëm, por edhe të lojëra të bëra nga shumë aktorë, të cilat janë të qarta për të krijuar idenë sikur ishte problemi Presidenti, kur dihej shumë mirë se nga djegia e mandateve, cili ishte institucioni që rrezikohej më shumë? Presidenti! Sepse Kushtetuta i jep Presidentit për të mbrojtur shtetin, jo për të mbrojtur individin që është në zyrë dhe për ta mbrojtur nga pushteti, i jep një mbrojtje të jashtëzakonshme. 94 deputetë dhe pastaj duhet të jetë vendimi i Gjykatës Kushtetuese dhe e përcakton shumë qartë: “për shkelje të rëndë kushtetuese”, etj., etj. Pse? Për të mbrojtur shtetin nga pushteti”, u shpreh presidenti Meta.