Flash News

Rama në monologun e viktimës, heroit dhe të inkriminuarit

Një lëvizje drejt Krishtërimit trazon Kosovën, një vend musliman

Sekuestrohen 670 mijë litra naftë kontrabandë në Durrës, arrestohen tre persona

Berisha denoncon skandalin: Në BKH është dorëzuar denoncim për Olsi Ramën dhe grupin e Xibrakës, nuk u hetua

Berisha: Eksportet janë në agoni të plotë prej narkoeurove, shqiptarët po humbasin vende pune

OPINEWS

“Është radha jonë”, një slogan që reflekton shpresën dhe përgjegjësinë

Politiko 30 Dhjetor 2024, 19:39

“Është radha jonë”, një slogan që reflekton

Nga Atird Hoxha, kreu i PD Vlorë

Në një kohë kur debati publik shpesh rrëshqet në skepticizëm dhe kritika pa bazë, është e rëndësishme të sqarohet konceptet dhe vizionin që qëndron pas shprehjes “Është radha jonë!”.
Ky slogan nuk është një thirrje për pushtet, për përfitime, siç dëshirohet të interpretohet nga disa, por një angazhim i sinqertë për të rikthyer shpresën, besimin dhe përgjegjësinë tek qytetarët shqiptarë.
Çfarë përfaqëson “jonë”?
“Jonë” përfshin çdo shqiptar që beson në demokraci, dhe një të ardhme më të mirë për vendin.
Nuk i referohet vetëm anëtarëve dhe drejtuesve të Partisë Demokratike, por përfshin çdo qytetar që ka vuajtur nga keqqeverisja e viteve të fundit.
Kjo është një thirrje për ndryshim rrënjësor, jo për të zëvendësuar një sistem të dështuar me një tjetër të ngjashëm, por për të hapur një kapitull të ri, ku qytetarët janë në qendër të vendimmarrjes.
Përse “është radha jonë”?
Është radha për t’u dhënë shqiptarëve një zë të fortë që është shtypur nga korrupsioni dhe klientelizmi.
Është radha për ndërtimin e një sistemi, ku drejtësia nuk përdoret si instrument politik ndaj kundërshtarëve.
Është radha për një ekonomi të hapur, ku mundësitë janë për të gjithë dhe jo vetëm për klientët e qeverisë.
Është radha për të rinjtë të shohin të ardhmen e tyre në Shqipëri, jo në radhët e ambasadave për viza pune.
Kjo nuk është thjesht “radha” e një partie apo e disa individëve. Kjo është radha e çdo shqiptari për të qenë pjesë e një politike, të ndershme dhe të hapur.
Përse tani?
Pas më shumë se një dekade qeverisje të korruptuar dhe arrogante, shqiptarët meritojnë një alternativë reale dhe të besueshme. Partia Demokratike nuk kërkon thjesht të zëvendësojë pushtetin e vjetër, por të ndërtojë një sistem të bazuar në transparencë, vlera dhe integritet.
Kritikat janë të mirëpritura kur janë të ndershme dhe dashamirëse. Demokratët nuk pretendojnë të jenë perfektë, por kanë vullnetin dhe përgjegjësinë për të përmirësuar politikën dhe për të ofruar alternativa konkrete.
Demokracia nuk është monopol i një partie, por një sistem që forcohet përmes përfshirjes dhe debatit.
Partia Demokratike ka qenë gjithmonë dhe do të mbetet e hapur për zërat që kërkojnë ndryshim dhe progresin e vendit.
“Është radha jonë” është më shumë se një slogan, është një angazhim për të ndërtuar një Shqipëri të drejtë për të gjithë qytetarët e saj.
Në vend të fjalëve të kota, përgjigjja më e mirë do të jepet, duke dëshmuar se kjo radhe nuk është për pushtet, por për Shqipërinë.
Është radha jonë!