Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

OPINEWS

“Shtëpia e shqiptarit është e Zotit dhe e mikut”. Po e shqiptarit kur do jetë?

Politiko 16 Maj 2025, 22:05

“Shtëpia e shqiptarit është e Zotit dhe e mikut”. Po

Pas Samitit të mbajtur në Tiranë, kryeministri Edi Rama i ka ftuar liderët evropianë për drekë, duke përmendur një shprehje nga Kanuni i Lekë Dukagjinit, “shtëpia e shqiptarit është e Zotit dhe e mikut”.

Edhe pse kjo shprehje mbart një peshë emocionale krenarie kombëtare, pasi shpreh zakonin shqiptar të mikpritjes dhe respektit ndaj mikut e të huajit, njëkohësisht vjen e hidhur kur kujtojmë se të vetmit që duket se nuk po i përkasin Shqipërisë janë vetë të zotët e shtëpisë.

Kësisoj vjen e natyrshme pyetja: Sa i mirëpritur mund të ndihesh në një shtëpi ku as vetë të zotët e shtëpisë nuk ndihen të mirëpritur?

Shqipëria e mrekullueshme, xhevahiri i fshehur i turistëve dhe investitorëve strategjikë, i kampeve të refugjatëve që Evropa po i grumbullon në brigjet tona nuk rezulton të jetë e tillë për qindra mijëra shqiptarë që shpresën e vetme shohin largimin nga shtëpia. Sa mikëpritëse mund t’u duket kjo shtëpi liderëve evropianë nëse do e dinin që të zotët e shtëpisë nuk mbyllin dot muajin, nuk kanë ujë të pishëm në çesmat e tyre, kanë taksa më të larta se shumë shtete perëndimore në krahasim me rrogat që marrin, kanë një sistem shëndetësor që më mirë mos të sëmuresh dhe një sistem arsimor prej të cilit çelin vetëm petalet e patronazhizmit?

Vjen e hidhur dhe e ligsht kjo shprehje kanunore nga goja e një kryeministri hipokrit që para të mëdhenjve të Evropës bie në gjunjë, ndërsa i vë shkelmin popullit të tij që ai i quan me përbuzje çyrykë, idiotë, autikë, zdomsa e njerëz me bisht. Cili prej këtyre liderëve në Samit mund ta mikpriste Shqipërinë si një vend aspirant në tryezën e familjes së madhe evropiane, nëse do të dinte realitetin e zgjedhjeve elektorale të 11 majit, ku shqiptarëve iu vodh për të disatën herë e drejta e një votimi të lirë dhe të ndershëm dhe u ngarkua në trenin bullgar me patentën fallso të pasaportës evropiane?

Ndonjë nga përkthyesit le t’ua shpjegojë përfaqësuesve të Evropës kontekstin e kësaj shprehje të Kanunit tonë, se “shtëpia e shqiptarit është e Zotit dhe e mikut” kur ajo i përket shqiptarit, jo kur ai është qiraxhi në shtëpinë e tij dhe mund ta nxjerrin jashtë kur t’i teket pronarit të ndërtojë ndonjë kompleks kullash.

Të fundit