Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

OPINEWS

Sjellja arrogante e Dumanit, servilët e KLP-së dhe shifrat shqetësuese!

Politiko 9 Prill 2024, 22:45

Sjellja arrogante e Dumanit, servilët e KLP-së dhe shifrat

NGA Flamur VezajAltin Dumani lexoi raportin vjetor të institucionit të SPAK-ut pranë Këshillit të Lartë të Prokurorisë duke i përgjigjur edhe pyetjeve të anëtarëve të këtij këshilli!
Kishte nga ata që flisnin me superlativa, e servilizëm deri sa dukeshin të peshtirë, sidomos lajkat, furçat apo fjalët “Faleminderit që erdhe”, “raport brilant” etj. Disa dukeshin shumë qesharake! Për një moment po prisja të thonin edhe “Altin, faleminderit që ekziston”, fiks si shprehjet e pastërorit të asaj “kishe” që i dhuroi shtëpinë Dumanit!
Por ky i fundit nuk e fshehu nervozizmin, fjalori, toni zërit, gjuha e trupit e sidomos kur u pyet në lidhje me ndikimin e qeverisë tek vendimarrjet e tij apo edhe tek përgjigjet me arrogancë deri në delir për pyetjet e z. Bazaj!
Si nuk i vrau veshin askujt ato përgjigjet me prepotencë që i mbyllte me shprehjet “dakord, dakord”, “ç’janë këto mo, se i kemi mësuar në fillore”, “janë elementare për një jurist”, “janë në Kushtetuese, nuk i nxora nga xhepi” etj.!
Po si nuk i tha njeri prej atyre, “këtu je për të përgjigjur dhe për të dhënë llogari për punën njëvjeçare dhe jo për të bërë komente mbi pyetjet”! Para KLP-së Dumani, duhet të jepte shpjegime dhe të matet dy herë për përgjigjen! Por ishte e kundërta, aty pash disa anëtarë të KLP-së të tredhur dhe që nuk kishin guxim ta kritikonin apo të pyesnin për shkeljet e të drejtave të njeriut gjatë punës së tij, si për shembull në rasti i gazetarit Qyno që e mbajtën peng mbi 10 orë të mbyllur në zyrë me çelës, i kontrolluan makinën si dhe lokalin ku kishte telefonat celular në 1 pas mesnatës pa vendim gjykate etj. etj.!
Gjithsesi, me atë nivel përfaqësimi në KLP, nuk u surprizova, bile për disa të tjerë u zhgënjeva! Ai ka kopjuar keq ish-shefin e tij A.Kosova për takimet me gazetarët “of record” duke u mburr se ka marrëdhënie të mira! “Të mira”, duke i terrorizu fëmijët dhe familjen e gazetarëve!? Kjo është e mira?!?? Po nuk ke faj ti jo, fajin e kanë ata që të servilosen për një lajm apo mesazh!!
Por të kthehem te shifrat, të cilat për mendimin tim janë shqetësuese!
Kreu i SPAK-ut permendi se për një vit kishte nisur hetimet me iniciativën e institucionit vetëm në 67 raste! Pra, për 365 ditë vetëm 67 raste! Shumë shumë pak për sa denoncime publike dalin çdo ditë në media apo rrjetet sociale dhe jo vetëm! Arsyet e tjera i di vet ai!
Fakti që ishin shumë të ngarkuar si “punëtor krahu” dhe nga ana tjetër thoshte se nuk dua prokuror, por hetues, tregon se do “ushtar” të bindur, jo prokuror, që mund të kundërshtojnë! Sepse nëse një prokuror ka mbi 150 dosje në vit, normale që është shqetësuese edhe fakti se SPAK-u ka probleme të theksuara me “mbartjen e dosjeve” tashmë ndër vite. Thënë ndryshe, zvarritje me hetimet, dosje të pa përfunduara, e dosje që flen në prokurori me vite!
Ai theksoi një shqetësim se kishte kërkuar izolimin në sistemin BIS të 5 të dënuarve dhe Ministria kishte zbatuar vetëm 2!??
Ndërkaq, gjyqtarët tha Dumani, vendosin çfarë Prokuroria kërkon, pra, gjyqtarët nuk janë mbi palet, por palë me prokurorinë, pasi ndihen edhe ata të shantazhuar nga SPAK-u!
Ai ngriti edhe një shqetësim për oficerët e BKH-së, për profesionalizmin dhe ngarkesën, ku nga 60 që janë, gati 40 merren me përgjime dhe aspekti profesional i disa prej tyre le për të dëshiruar tha Dumani, duke njoftuar se kishin filluar vlerësimin profesional të hetuesve të BKH-së, kuptohet për t’i hequr ata që “nuk dëgjojnë”!
Shqetësuese është edhe fakti që shumë zyrtarë të policisë janë të përfshirë me grupet kriminale për të cilët Dumani tha se nuk mund të bashkëpunojmë dhe vetëm 15% e dosjeve hetohen me policinë! Me këtë deklarat, bie propaganda e Ballës se “ne kemi pastruar zyrtarët e korruptuar nga radhët e policisë”!
Për të vendosur vulën të atyre që u thanë, ishte fakti që për 365 ditë vetëm 12 raste, institucionet shtetërore kanë bërë kallëzim në SPAK!!! Kaq!
Kjo tregon se ka një vendim të pashkruar nga qeveria e cila e ka udhëzuar administratën mos të referojë asnjë material kallëzues, për kundër korrupsionit në shesh! Mendoj se ky “vendim” i qeverisë për të mos kallëzuar është një tregues i qartë se kjo qeveri genjen kur thotë që “ne donim dhe e krijuam këtë institucion”! Refuzimi për të kallëzuar e bashkëpunuar tregon të kundërtën e asaj që thonë! Pra, KM e thotë vetëm për propagandë militantësh në publik, sepse në rrugë zyrtare këta nuk e duan këtë institucion dhe kanë ndërprerë bashkëpunimin.
Në fund, Dumani “pranoi” se me “pengmarrjen” dhe terrorizimin e gazetarit Qyno ka ndaluar rrjedhën e informacioneve nga burimet, duke bërë publike vetëm ato që ai miraton dhe dëshiron të dalin në publik nëpërmjet zyrës së shtypit!
Pra, gazetarët e kronikës fatkeqësisht janë në zhdukje!