Flash News
Goro në burg, Blerina Balaj komandohet kryetare e Bashkisë Himarë
Video/ Tensione në mbledhjen e Këshillit Bashkiak të Himarës, qytetari pështyn në fytyrë Vangjel Tavon
Olsi, ashtu si Edi, qenka burrë p….
Nën hetim për trafik k*kaine, SPAK sekuestron pasuritë e Princ Dobroshit dhe Olsi Syziut
Atentat në Memaliaj, qëllohet me breshëri arme avokati
Naum Mara
U ngazëlleva nga lajmi i mirë i dhënë nga kryeministri jonë sot. Kompania “Shell” (më mirë dega e saj shqiptare “Albania Shell” ose “Shell Albania”) ka zbuluar sasira të pallogaritshme nafte dhe gazi në Shpirag, që do bëjë, jo vetëm ne shqiptarët “ta vemë festen mënjanë“, por do shpëtojnë edhe Europën. Më pas dëgjova edhe një intervistë të ministreshës Balluke, që ia konfirmoi këtë dhe saktësoi që është zbuluar një arterie shumë e rëndësishme hidrokarburësh mu në rrëzë të Shpiragut.
Unë nuk di nga gjeologjia dhe kërkimet për zona naftë dhe gazmbajtëse, por kjo puna e arteries më krijoi një përshtypje që nafta lëviz midis zonave dhe tani që kemi zbuluar këtë arterien kryesore mund t’i “lemë më të thatë“ jo vetëm fqinjët, por edhe ata të Lindjes së Mesme.
Gjithsesi “hair haber” më të mirë se ky nuk kemi patur që në kohën e “Celikut shqiptar” dhe të “prodhimit të bukës në vend”. Dhe të mendosh që këto ishin 46 vjet më parë. (Nuk dihet ende nëse shoku Enver kishte vënë gishtin më parë në këto vendburime dhe tradhtarët nuk e kishin dëgjuar.)
Por le ta lemë nihilizmin dhe të besojmë kryeministrin, i cili e bëri këtë deklaratë nga Hollanda ku e ka edhe qendrën kompania e famshme e hidrokarbureve.
Ç’do të thotë kjo për Shqipërinë? A do të bëhemi të gjithë sheikë?
Kjo e fundit është pak si tepër optimiste, se edhe në Arabinë Saudite nuk janë të gjithë sheikë, por të ardhurat për frymë me siguri që do të dhjetfishohen. Do ulet kriminaliteti se askush nuk do merret më me trafik droge. Nuk kemi dëgjuar për ndonjë Mafia Saudite apo të Emirateve të Bashkuara që kontrollon tregjet e drogës. Do ulet korrupsioni se të gjithë do jenë të lumtur me pjesën e tyre në pasurinë kombëtare.
Me siguri që e gjithë Myzeqeja do kthehet në komplekse rafinerish, se nuk ka arsye ta shesim naftën bruto, kur mund të fitojmë më shumë duke e përpunuar, si dhe punësojmë të gjithë bujqit që nuk shesin dot shalqinët në kohë vere. Do kthehen pjesa dërmuese e emigrantëve në poste manaxheriale dhe do punësojmë kurdë, afganë, bangladeshas dhe afrikanë për punët e rënda.
Po për Europën ç’do të thotë kjo?
Europa shpëton përfundimisht nga varësia nga nafta dhe gazi rus dhe do na lutet që të na bëjë anëtarë të Bashkimit Europian. Këtu ne, si ballkanas kryeneçë mund të fillojmë të hedhim vickla dhe të kërkojmë jo vetëm Çamërinë dhe tërë trojet shqiptare të Ballkanit, por edhe fshatrat arbëreshe dhe arvanitase. Nafta dhe gazi ta japin këtë pozitë në mardhëniet ndërkombëtare.
Po sikur mos jenë kaq stërmëdha këto vendburimet e Shpiragut?- do hidhen pasardhësit e Tersit të Pojanit.
… Punë m…! Do ja hedhim prapë fajin Europës, kësaj kurve të motit!